Весткі з палёў Кіраўшчыны
Па меры таго, як веснавая вільгаць убіраецца ў глебу, на даступныя для вядзення палявых работ участкі з кожным днём усё больш тэхнікі сельгаспрадпрыемстваў уключаецца ў рабочы працэс.
У ААТ “Рассвет імя К.П.Арлоўскага”, дзякуючы наяўнасці авіяцыі, магчымасцей для вядзення работ больш. Тут распачалі падкормку азімага рапсу
і канюшыны. З самалётнай вышыні па становішчы на ўчарашнюю раніцу культуры былі падкормлены на 75 га.
На раніцу панядзелка шматгадовыя травы, у тым ліку канюшына, падсеяны ў раёне на 386 га. З іх на 236 га — у “Рассвеце”, на 130 га — у РАПТЗ, на 20 га — у КСУП “Барчыцы-агра”.
Мінеральныя ўгнаенні ўносяць у СГФ “Чыгірынка”: калійныя тукі ўнесены на 130 га.
Працягваюць абрэзу пладовых дрэў садаводы “Рассвета”: яблыні і грушы апрацаваны на 204 га.
