Дэпутат правёў прыём грамадзян у Кіраўскім раёне
Дзейснай формай работы прадстаўнікоў дэпутацкага корпусу абласнога і рэспубліканскага ўзроўняў зарэкамендавалі сябе прыёмы грамадзян: ёсць магчымасць на месцах даведацца аб становішчы спраў, хвалюючых выбаршчыкаў праблемах, дапамагчы аператыўна іх вырашыць.
Прыём грамадзян правёў у райвыканкаме ў чэрвені начальнік галоўнага ўпраўлення па ахове здароўя Магілёўскага абласнога выканаўчага камітэта, дэпутат Магілёўскага абласнога Савета дэпутатаў дваццаць восьмага склікання па Кіраўскай выбарчай акрузе №19 Аляксандр Жылін.
У ходзе прыёму да дэпутата звярнулася жыхарка г.Кіраўска па пытанні выдачы накіравання на шпіталізацыю яе дзіцяці ў Рэспубліканскі навукова-практычны цэнтр у г.Мінску.
Аляксандр Жылін, уважліва выслухаўшы жанчыну, адзначыў, што накіраванне на шпіталізацыю ў названы цэнтр для абследавання і лячэння яе дзіцяці будзе выдадзена ў Кіраўскай цэнтральнай раённай бальніцы. Напярэдадні трэба прайсці неабходныя лабараторныя даабследаванні.
Узяць пытанне на асабісты кантроль было даручана галоўнаму ўрачу ЦРБ Алене Круцько, якая прысутнічала падчас правядзення прыёму.
Фота Максіма МІКЕШЫНА.