Аляксандр Серакоў — Ганаровы грамадзянін Кіраўскага раёна
Старшыня раённага Савета дэпутатаў Галіна Слабоднікава, выказваючы віншаванні юбіляру і ўручаючы памятны падарунак, адзначыла, што А.У.Серакоў унёс важкі ўклад у развіццё галіны сельскай гаспадаркі раёна, якой ён прысвяціў шмат год свайго жыцця, у тым ліку на пасадзе кіраўніка сельгасаганізацыі — СВК “Чырвоны баец”.
Пад яго кіраўніцтвам сельгаскааператыў стаў адным з вядучых у раёне: з года ў год значна павялічваліся вытворчыя паказчыкі. Па выніках работы гаспадарка і яе працаўнікі неаднаразова займалі прызавыя месцы на раённых, абласных і рэспубліканскіх спаборніцтвах.
За плённую працу, асабісты ўклад у развіццё аграпрамысловага комплексу Аляксандр Серакоў узнагароджаны ордэнам Пашаны, медалём “За працоўныя заслугі”. У 2001 годзе ён быў удастоены спецыяльнай прэміі Магілёўскага аблвыканкама “Чалавек года”.
У 2015 годзе за шматгадовую плённую працу ў галіне сельскай гаспадаркі, значны асабісты ўклад у сацыяльна-эканамічнае развіццё, удзел у грамадскай дзейнасці раёна ветэрану працы, былому старшыні СВК “Чырвоны баец”, заслужанаму, аўтарытэтнаму ў раёне, вобласці, рэспубліцы чалавеку — Аляксандру Серакову было прысвоена званне “Ганаровы грамадзянін Кіраўскага раёна”.
Аляксандр Серакоў зараз на заслужаным адпачынку, але быў і застаецца чалавекам актыўнай жыццёвай пазіцыі, да ўсяго падыходзіць па-філасофску.
Свае віншаванні з нагоды юбілею і пажаданні яшчэ і як намесніку старшыні Аграпрамысловага Саюза Магілёўскай вобласці выказаў віноўніку ўрачыстасці старшыня Магілёўскай абласной арганізацыі Беларускага прафсаюза работнікаў АПК Віктар Гейдэль і ўручыў Аляксандру Серакову Ганаровую грамату абкама прафсаюза работнікаў АПК. Таксама Віктар Гейдэль перадаў юбіляру віншаванні ад дэпутата Палаты прадстаўнікоў Нацыянальнага сходу Рэспублікі Беларусь Ігара Кананчука.
Віншаванні з нагоды дня нараджэння прымала ў гэты дзень і дэпутат раённага і Скрыпліцкага сельскага Саветаў дэпутатаў, загадчык мясцовага фельчарска-акушэрскага пункта Яўгенія Марозава.
Фота Людмілы Сямёнавай.
(Матэрыялы парадку дня сесіі
чытайце ў бліжэйшых нумарах).