На першы погляд здаецца, што вадзіцелем быць не складана. Аднак гэтая прафесія ўключае ў сябе не толькі кіраванне транспартнымі сродкамі. Важна таксама кантраляваць выкананне пасажырамі правілаў праезду, іх камфорт, забяспечваць захаванасць грузаў і іншае. Калі ўзнікае няспраў-
насць або паломка, вадзіцель ацэньвае сітуацыю і прадпрымае адпаведныя меры. Прафесіянал павінен хутка ацэньваць сітуацыю на дарозе, выдатна арыентавацца, быць пільным, цярплівым, хутка прымаць правільныя рашэнні, пазбягаючы небяспечных сітуацый.

Менавіта такія людзі працуюць у Кіраўскім філіяле Аўтапарк №14 ААТ «Магілёўаблаўтатранс». Работнікі арганізацыі штодня перавозяць вялікую колькасць грузаў па тэрыторыі Беларусі і за яе межы. Асноўныя заказчыкі — дарожна-будаўнічыя арганізацыі. Аўтамабілі маркі МАЗ, з якіх у асноўным складаецца грузавы парк, перавозяць будаўнічыя грузы, пясок, пясчана-гравійная сумесь, асфальтабетон. Падчас уборачнай кампаніі аўтамабілісты спяшаюцца на дапамогу сяльчанам: ажыццяўляецца перавозка збожжа і цукровых буракоў.
У Расійскую Федэрацыю транспартам філіяла пастаўляюцца шыны, ліфты і іншыя грузы. У цэлым за 9 месяцаў 2018 года прабег міжнародных аўтамабіляў склаў 290,6 тыс.км, было перавезена 14,6 тыс.т. Усяго грузавымі аўтамабілямі перавезена 62,7 тыс.т і выканана 3446,2 тыс.т/км.
Пасажырскія перавозкі арганізацыя ажыццяўляе па раёне і вобласці, таксама арганізуюцца паездкі па разавых заяўках кліентаў. Прабег аўтобусаў за 9 месяцаў склаў 533,6 тыс.км., пасажыраабарот — 7314,3 п/км.
Маршрутная сетка ў сельскай мясцовасці распрацавана на аснове вывучэння пасажырапатоку з улікам патрэб насельніцтва ў перавозках. Яна ахоплівае населеныя пункты, у якіх больш за 10 двароў, цэнтральныя ся-
дзібы сельгасарганізацый і сельскіх Саветаў, агульная працягласць складае 990 км. Аўтобусы курсіруюць па 20-ці прыгарадных маршрутах, ёсць таксама адзін міжгародні.
Грузавыя і пасажырскія аўтобусныя перавозкі ў філіяле Аўтапарк №14 ажыццяўляюць 15 грузавых аўтамабіляў і 14 аўтобусаў.
Дыягнастычнай станцыяй, якая працуе ў аўтапарку, за 9 месяцаў 2018 года было праверана 3189 аўтамабіляў.
Чысты прыбытак ад рэалізацыі паслуг склаў 49,7 тыс.руб.

У філіяле працуюць старанныя, добрасумленныя людзі. Нельга не адзначыць іх ролю ў сучасным жыцці грамадства. Дзякуючы працы работнікаў, дзень за днём хутка і якасна дастаўляюцца грузы, а кожны, хто карыстаецца пасажыраперавозкамі, своечасова прыбывае на месца.
Да прафесійнага свята Ганаровай граматай ААТ «Магілёў­аблаўтатранс» узнагароджаны вадзіцель 2 класа Аляксандр Габрусь, а Падзяка райвыканкама аб’яўлена галоўнаму інжынеру Сяргею Галко.
Прафесійна выконваюць свае абавязкі вадзіцелі самазвалаў Валерый Сакадынец, Анатоль Бандарэнка, Ігар Маскалёў, ва­дзіцелі-міжнароднікі Уладзімір Палянскі, Аляксандр Іваноў, Юрый Шапоткін, вадзіцелі аўтобусаў Валянцін Пацыенак, Міхаіл Русаў, Аляксандр Котаў, Аляксандр Вішнеўскі, Леанід Акушэвіч, Аляксандр Бычкоў.
Не варта забываць і пра тых, хто клапоціцца аб спраўнасці аўтамабіляў, падтрымліваючы іх у добрым тэхнічным стане. Гэта слесары па рамонце аўтатранспарту — маладыя спецыялісты Уладзіслаў Гогалеў, Сяргей Карпаў.
Каб паказваць добрыя вынікі, паляпшаць якасць абслугоўвання насельніцтва, развіваць і памнажаць усё, чаго дасягнулі раней, трэба быць сапраўды адданымі сваёй справе. Такімі працаўнікамі і з’яўляюцца работнікі аўтапарка №14.
Юлія ЗАВІШАВА.
Фота Максіма МІКЕШЫНА.