17 кастрычніка 2018 года на пасаду дырэктара філіяла CВК “Бераснёўскі” ААТ “Упраўляючая кампанія холдынга “Бабруйскаграмаш” назначаны Юрый Іванавіч МАСКАЛЁЎ.
Нарадзіўся Ю.І.Маскалёў у 1960 годзе ў г.Маскве. У 1989 годзе закончыў Беларускую сельскагаспадарчую акадэмію, у 2005 годзе — Акадэмію кіравання пры Прэзідэнце Рэспублікі Беларусь, атрымаў спецыяльнасці “эканоміка і арганізацыя сельскай гаспадаркі”, “фінансавы і банкаўскі менэджмент”.
Працоўную дзейнасць пачаў у 1981 годзе ў саўгасе “Ямнае” Быхаўскага раёна. Працаваў галоўным эканамістам калгаса “Новы шлях” Асіповіцкага раёна, дырэктарам племзавода “Вараніно” Быхаўскага раёна, з 1997 па 2000 гады — намеснікам старшыні калгаса “Рассвет” імя К.П.Арлоўскага. У 2004 годзе быў назначаны першым намеснікам старшыні Шклоўскага райвыканкама. Далей працаваў намеснікам дырэктара ААТ “Бабруйскі мясакамбінат”, дырэктарам ПУП “Кіраўскі кансервавы завод”, намеснікам генеральнага дырэктара ААТ “Агракамбінат Дзяржынскі”, начальнікам Бабруйскага сельскагаспадарчага аддзялення “Калінкавічская зверагаспадарка”. З 2016 па 2018 гады ўзначальваў МТФ “Большая Поляна” ТАА “Авангард-Агра-Ліпецк”
(г.Ліпецк Расійскай Федэрацыі).