За добрасумленную плённую творчую працу, значны асабісты ўклад у навучанне і выхаванне падрастаючага пакалення і ў сувязі з Днём настаўніка педагог Цэнтра дадатковай адукацыі дзяцей і моладзі Таццяна Рудак была адзначана Падзякай Адміністрацыі Прэзідэнта Рэспублікі Беларусь.
Урачыстае мерапрыемства, прысвечанае Дню настаўніка, на якім ушанавалі лепшых работнікаў сістэмы адукацыі, прайшло ў Нацыянальным акадэмічным Вялікім тэатры оперы і балета. Па словах Таццяны Рудак, на цырымонію прыбылі дэлегацыі педагогаў з усёй рэспублікі, з Магілёўскай вобласці разам з ёй было яшчэ трое прадстаўнікоў.
Настаунікаў з прафесійным святам павіншавалі намеснік прэм’ер-міністра Рэспублікі Беларусь Ігар Петрышэнка, першы намеснік кіраўніка Адміністрацыі Прэзідэнта Максім Рыжанкоў. За шматгадовую і добрасумленную працу ў сістэме адукацыі настаўнікаў узнагародзілі ордэнамі, Ганаровымі граматамі, былі аб’яўлены падзякі.
Як падзялілася ўражаннямі Таццяна Рудак, прыемным сюрпрызам для ўсіх стаў святочны канцэрт артыстаў Нацыянальнага акадэмічнага Вялікага тэатра оперы і балета.