Павышэнне эфектыўнасці сельскагаспадарчай вытворчасці, укараненне навейшых дасягненняў навукі і перадавога вопыту, увага да чалавека працы і клопат аб ім — асноўныя тэмы абмеркавання падчас сумеснага выязнога пасяджэння прэзідыума Рэспубліканскага аграпрамысловага саюза “БелАПС” і савета Магілёўскага абласнога аграпрамысловага саюза, якое адбылося на базе ААТ “Рассвет імя К.П.Арлоўскага”.
Мерапрыемства прахо­дзіла на чале з членам Савета Рэспублікі Нацыянальнага сходу Рэспублікі Беларусь, старшынёй Рэспубліканскага аграпрамысловага саюза “БелАПС” Мікалаем Радаманам, старшынёй Магілёўскага абласнога АПС Аляксандрам Багелем.

Кіраўнікі абласных і раённых аграпрамысловых саюзаў, іншыя ўдзельнікі падчас наведвання аб’ектаў, абмену думкамі, меркаваннямі выказвалі зацікаўленасць у тым, каб больш сельгасарганізацый раўняліся на вопыт перадавога гаспадарання, што ў цэлым паспрыяе развіццю аграрнага сектара, павышэнню рэзультатаў фінансавай дзейнасці.
Удзельнікаў выязнога пасяджэння вітаў першы намеснік старшыні райвыканкама — начальнік упраўлення па сельскай гаспадарцы і харчаванні Аляксандр Сухадольскі і праінфармаваў аб сацыяльна-эканамічным развіцці Кіраўскага раёна, зрабіўшы акцэнт на аграпрамысловым комплексе, яго дасягненнях і задачах на перспектыву.
У цэнтры ўвагі гасцей быў новы рассветаўскі жывёлагадоўчы аб’ект высокага сучаснага ўзроўню — малочна-таварны комплекс, узведзены летась у аг.Мышкавічы паблізу ад біягазавай устаноўкі. І гэта невыпадкова: адсюль па трубах паступае цяпло для абагрэву і тэхналагічных патрэб комплексу, які яшчэ дабудоўваецца.

Больш падрабязна чытайце ў №5 “Кіраўца” за 2019 год.