Чарговы веснавы велапрабег у Кіраўску падарыў яго ўдзельнікам масу станоўчых эмоцый (фотарэпартаж)

 Яркае сонца, цёплае паветра, лёгкі ласкавы ветрык у спалучэнні з выдатным настроем і шчырымі ўсмешкамі на тварах і… шматлікія веласіпеды. Усё гэта стала атрыбутыкай традыцыйнага веснавога велапрабегу “За здароўем — на веласіпедзе!” па вуліцах райцэнтра.Для Кіраўска веласіпед — гэта сімвал, самы папулярны від транспарту, прычым для прадстаўнікоў усіх узростаў. Менавіта таму ў пятніцу на плошчы імя Кірава сабраліся кіраўчане і госці горада з іншых населеных пунктаў раёна і нават з-за яго межаў, як кажуць, ад мала да вяліка: дзетсадаўцы, школьнікі і навучэнцкая моладзь, прадстаўнікі арганізацый, прадпрыемстваў і ўстаноў раёна, грамадскіх структур і аб’яднанняў, пенсіянеры. Усе яны прыехалі на сваіх двухколавых сябрах, каб масава, агульна з задавальненнем пракаціцца па вуліцах любімага райцэнтра.

На ўрачыстым адкрыцці велапрабегу ўсіх прысутных вітаў старшыня райвыканкама Аляксандр Бутараў. Ён адзначыў, што веласіпедны рух на Кіраўшчыне — гэта своеасаблівы брэнд, якім мы можам ганарыцца. Штогод, пачынаючы з 1969 года, у нашым раёне праводзіцца Мемарыял Героя Савецкага Саюза, Героя Сацыялістычнай Працы К.П.Арлоўскага па веласіпедным спорце — адны з буйнейшых айчынных спаборніцтваў на шасейных гонках, дзе разыгрываецца званне чэмпіёна Беларусі ў гонцы-крытэрыуме. На кіраўскай зямлі ў розныя гады шліфавалі сваё майстэрства знакамітыя веласпартсмены. Высокі клас паказвае і цяперашняе пакаленне, у тым ліку нашы землякі. Гэта пераможцы і прызёры чэмпіянатаў краіны, Еўропы, этапаў Кубка свету на трэку і шасейных гонках Вольга Антонава, Раман Цішкоў, Аксана Салаўёва. Шмаіт іншых кіраўчан з поспехам выступаюць на прэстыжных спаборніцтвах еўрапейскага і сусветнага ўзроўню. Пачынаючы з 2013 года, у раёне арганізоўваюцца масавыя велазаезды, у якіх удзельнічаюць розныя катэгорыі насельніцтва. І гэта, адзначыў Аляксандр Бутараў, у чарговы раз даказвае, што Кіраўск — горад спартыўных, дынамічных і здаровых людзей.Падчас акцыі былі ўшанаваны адны  з лепшых фізкультурнікаў, якія не толькі актыўна ўдзельнічаюць у многіх спартыўных мерапрыемствах раёна, прапагандуюць здаровы лад жыцця, але і з гонарам прадстаўляюць Кіраўшчыну на абласных спаборніцтвах. Кіраўнік раёна ўручыў пасведчанні “Фізкультурнік Беларусі” дзяржаўнага фізкультурна-аздараўленчага комплексу Рэспублікі Беларусь Алене Белахвоставай, Віктару Бялянаву, Вользе Лукановіч, Вользе Макаронак, Ларысе Маркашанскай, Алесі Шалянгоўскай.Упершыню разам з акцыяй “За здароўем — на веласіпедзе!” право­дзілася адкрытае першынство Кіраўскага раёна па веласіпедным спорце ў праграме раённай спартакіяды школьнікаў. У госці да кіраўчан завіталі юныя веласіпедысты, выхаванцы дзіцяча-юнацкіх спартыўных школ з Магілёва, Бабруйска, Гомельшчыны — Буда-Кашалёва і Жлобіна. Удзельнікам каманд пад апладысменты прысутных былі ўручаны салодкія падарункі — торты. Дарэчы, іх прадаставілі спонсары — былыя выхаванцы аддзялення веласпорту Кіраўскай ДЮСШ, якія ў свой час выступалі нават за зборныя Беларусі, а зараз — індывідуальныя прадпрымальнікі Юрый Каранкевіч, Анатоль Прыходзька, Сяргей Аляксееў.Кіраўшчыну можна па праву назваць сталіцай веласіпеднага спорту Магілёўшчыны, адзначыў у сваім прывітальным слове дырэктар СДЮШАР Сяргей Клімовіч. Сёлета нашай спартыўнай школе спаўняецца 55 год, і за гэты працяглы перыяд у вышэйшае звяно вела­спорту была перадана вялікая колькасць выхаванцаў, якія потым выдатна пацвярджалі высокі ўзровень падрыхтаванасці. Нашы выпускнікі Раман Цішкоў, Вольга Салаўёва, Канстанцін Бяляўскі мэтанакіравана рыхтуюцца да выступленняў на ІІ Еўрапейскіх гульнях, якія ў чэрвені бягучага года пройдуць у Мінску. Сяргей Клімовіч выказаў надзею на тое, што адкрытае першынство Кіраўскага раёна сярод школьнікаў стане яшчэ адной добрай традыцыяй і набудзе з цягам часу рэспубліканскі маштаб.У гэты дзень быў да­дзены старт яшчэ адной акцыі — велапрабегу “Памяць”, прысвечанаму 75-годдзю вызвалення Беларусі ад нямецка-фашысцкіх захопнікаў, які павінен стаць своеасаблівым сімвалам сувязі пакаленняў. Як падкрэсліла вучаніца СШ №2 імя К.П.Арлоўскага Аляксандра Шчэрбіч, моладзь ніколі не забудзе тых, хто, не шкадуючы свайго жыцця, заваяваў свабоду і шчасце для будучых пакаленняў. Яна перадала юным веласіпедыстам лампадку памяці, удзельнікі правязуць гэты сімвал па ўсіх сельскіх населеных пунк­тах Кіраў­шчыны.Менавіта юныя спартсмены з лампадкай памяці першымі і адправіліся на старт велапрабегу. Упрыгожванне мерапрыемства — самыя маленькія ўдзельнікі: на веласіпедзіках з паветранымі шарамі па плошчы пад авацыі прысутных праехалі дзетсадаўцы. Затым юныя велааматары — удзельнікі адкрытага першынства па вела­спорце, а потым і ўсе прыхільнікі здаровага ладу жыцця — выстраіліся ў адну вялікую калону, якая ў суправаджэнні аўтамашыны аддзялення ДАІ РАУС адправілася па 4-кіламятровым падарожжы па вуліцах горада: Кірава — Гагарына — Арлоўскага — Пятрушы — Церашковай — Савецкай. Фінішавалі ўдзельнікі зноў на плошчы імя Кірава. Прама тут дзяжурылі медыкі, але дапамога нікому не спатрэбілася. Раённыя арганізацыі РГА “Белая Русь”, Беларускага таварыства Чырвонага Крыжа, а таксама раённае аб’яднанне прафсаюзаў забяспечылі для ўдзельнікаў гарачы чай з пячэннем, а паралельна праводзілі агітацыйную работу, накіраваную на вядзенне здаровага ладу жыцця. І ніхто ў гэты дзень, як і звычайна, не вызначаў пераможцаў. Імі сталі ўсе без выключэння, атрымаўшы істотную порцыю бадзёрасці, выдатны настрой. Пасля велапрабегу на пло­шчы былі дадзены старты ў гонцы-крытрыуме ў межах адкрытага першынства Кіраўскага раёна. 

Аляксандр ХАХЛОЎ.Фота аўтара і Максіма МІКЕШЫНА.

 

Последние новости

Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024