Віншуем з прыбаўленнем! У маі і чэрвені на Кіраўшчыне нарадзілася 30 малышоў
Па дадзеных, прадастаўленых райбальніцай, у маі і чэрвені бягучага года ў нашым раёне нарадзілася 30 малышоў: дзяўчынак — 17, хлопчыкаў — 13.
У маі сімвал нованароджанага дзіцяці — бусляня — завітаў у 15 сем’яў нашага раёна.
Сыночак-першынец нарадзіўся ў Веры Красімавай з Барсукоў.
У Кацярыны Малашук з Жыліч, Наталлі Рудак з Мышкавіч і Крысціны Еўдакімавай нарадзілася па дачушцы, якія сталі першымі дзіцяці ў сем’ях.
У кіраўчанак Анастасіі Івановай, Ірыны Шаўчэнка, Вольгі Белазёравай нарадзілася па другім дзіцяці — дачушцы.
У Алены Шашанка, Веранікі Свірыд, Кацярыны Комар, Алены Шчэрбіч з Кіраўска нарадзіліся сыночкі, якія сталі другімі дзецьмі.
Наталля Бяржаніна з Кіраўска, Ірына Стаўрова з Дабрыцы, Наталля Домніч-Клімавец з Лёўкавіч сталі мнагадзетнымі маці дзякуючы нарадзіўшымся дачушкам, Зоя Жаўлакова з Кіраўска — сыночку.
У чэрвені прыемная падзея — нараджэнне малыша — адбылася, як і ў маі, у 15 сем’ях Кіраўшчыны.
Дачушкі-першынцы нарадзіліся ў Алены Громавай з Чыгірынкі, Лізаветы Шэрстабаевай, Дар’і Русецкай і Алівіі Галімскай з Кіраўска, Аліны Калінавай з Сяргеевіч.
Упершыню сталі матулямі, нарадзіўшы сыночкаў, Яўгенія Касцерына і Ірына Пятроўская з Кіраўска, Алена Марцючэнка з Жыліч, Алеся Краўчанка са Стаек.
У Ірыны Куксік з Чыгірынкі, Людмілы Нявінскай з Кіраўска, Алены Крупневай з Шалаёўкі другімі дзіцяці ў сем’ях сталі сыночкі.
У Ганны Фігурэнка з Барсукоў нарадзілася другое дзіця — дачушка.
Трэцяе дзіцяці — дачушка — нарадзілася ў сям’і Кацярыны Ласяковай з Кіраўска.
Вольга Касцюкова з Любоніч нарадзіла чацвёртае дзіця — дачушку.
Віншуем усіх матуль са значнай падзеяй у жыцці і жадаем ім і іх малышам здароўя, сямейнай цеплыні, пяшчоты і дабрабыту!