За радкамі лічбаў бачыць перспектыву — дэвіз калектыву Кіраўскага раённага аддзела статыстыкі

За радкамі лічбаў бачыць перспектыву — дэвіз калектыву Кіраўскага раённага аддзела статыстыкі

Намеснік старшыні райвыканкама, старшыня часовай раённай камісіі па са­дзейнічанні перапісу Таццяна Русецкая, начальнік раённага аддзела статыстыкі Вікторыя Пінчук разам з удзельнікамі прайшоўшай напярэдадні нарады па правядзенні перапісу Таццянай Дашкевіч і Леанідам Ярковічам цікавяцца спецыяльнай камп’ютарнай праграмай, якая будзе выкарыстоўвацца падчас правядзення перапісу насельніцтва

Работнікі органаў дзяржаўнай статыстыкі адзнача­юць сёння прафесійнае свята. Яно мае амаль паўвекавую гісторыю і вя­дзе свой адлік з 1920 года. За мінуўшыя дзесяцігоддзі адбылося шмат перамен, але нязменнымі застаюцца мэты і задачы, якія стаяць перад статыстыкай: задавальненне патрэб грамадства, дзяржавы ў афіцыйнай статыстычнай інфармацыі аб дэмаграфічным, эканамічным, сацыяльным становішчы, стане навакольнага асяроддзя.

Для чалавека недасведчанага запоўненая форма статыстычнай справаздачы — ўсяго толькі папера з сухімі лічбамі. Але варта ім трапіць у рукі прафесіяналаў – работнікаў органаў дзяржаўнай статыстыкі, яны нібы ажываюць. Лічба за лічбай, і апрацаваная інфармацыя кладзецца ў аснову статыстычнай карціны жыцця раёна, вобласці, краіны. Асноўная задача дзяржаўнай статыстыкі і калектыву раённага аддзела статыстыкі Галоўнага статыстычнага ўпраўлення Магілёўскай вобласці на чале з Вікторыяй Пінчук у тым ліку, — максімальнае забеспячэнне карыстальнікаў статінфармацыяй, якая аб’ектыўна адлюстроўвае эканамічнае, дэмаграфічнае, сацыяльнае і экалагічнае становішча рэгіёна. На базе гэтых дадзеных распрацоўваюцца перспектывы і напрамкі развіцця розных галін эканомікі. Ад дакладнасці лічбаў, па вялікім рахунку, залежыць, якім будзе наша далейшае жыццё.
Работа супрацоўнікаў аддзела статыстыкі карпатлівая, патрабуе ўседлівасці, скрупулёзнасці і пастаяннай канцэнтрацыі ўвагі. На іх ускладзена вялікая адказнасць: дапу­шчаная ў лічбах памылка можа выклікаць скажэнне выніковых дадзеных па вобласці, рэспуб­ліцы. Таму пры іх апрацоўцы асабліва важна свое­часова атрымаць дакладную інфармацыю ад рэспандэнтаў – прадпрыемстваў, арганізацый, устаноў і гаспадарак раёна.
Імклівае развіццё інфармацыйных тэхналогій патрабуе ўдасканальвання метадаў збору і распаўсюджвання статыстычнай інфармацыі, укаранення новых інфармацыйных сістэм. У аддзеле статыстыкі аўтаматызаваны ўсе асноўныя працэсы, абсалютная большасць форм дзяржаўнай статсправаздачнасці пераведзена на электронны фармат. Але якімі б сучаснымі тэхнікай і тэхналогіямі ні карысталіся супрацоўнікі аддзела пры зборы і апрацоўцы статыстычнай інфармацыі, чалавечага фактару ніхто не адмяняў. У камп’ютара не папросіш, каб удакладніў у рэспандэнта, за кошт якіх рэсурсаў адбыўся рост канкрэтнага паказчыка. Зрабіць такі запрос па сілах толькі спецыялісту. Удакладняць, канкрэтызаваць дадзеныя пры апрацоўцы – таксама задачы спецыялістаў аддзела. І з ускладзенымі на яго абавязкамі калектыў раённага аддзела статыстыкі паспяхова спраўляецца.
Сёлетні год для органаў статыстыкі рэспублікі адметны. Важнейшай і буйнамаштабнай работай стане правядзенне ў кастрычніку бягучага года чарговага перапісу насельніцтва Рэспублікі Беларусь. Яго асноўная мэта – атрымаць неабходную інфармацыю аб насельніц­тве для распрацоўкі накірункаў сацыяльна-эканамічнага развіцця краіны і рэгіёнаў, правядзення дэмаграфічных і сацыяльных даследванняў, прагназіравання колькасці і складу насельніцтва, аптымальнага падзялення і выкарыстання працоўных рэсурсаў.
Сёлетні перапіс праводзіцца ў абсалютна новых умовах: пачынаючы ад арганізацыі самаго працэсу і заканчваючы тэхналогіяй апрацоўкі атрыманых дадзеных. У раёне акрамя работнікаў аддзела статыстыкі ў правядзенні перапісу мяркуецца задзейнічаць больш за 30 чалавек. Для садзейнічання перапісу створана часовая раённая камісія на чале з намеснікам старшыні райвыканкама Таццянай Русецкай.
Працэс збору і апрацоўкі персанальных дадзеных поўнасцю аўтаматызаваны. Вуснае апытанне будзе праводзіцца з выкарыстаннем планшэтных камп’ютараў, што дазволіць паскорыць працэс увядзення дадзеных і забяспечыць высокую якасць запаўнення перапісных лістоў. Акрамя таго, кожнаму грама- дзяніну даецца магчымасць выбраць для сябе адзін з трох спосабаў адказаць на пытанні перапіснога ліста: дома або на стацыянарным участку, або праз інтэрнэт.
Таццяна МАІСЕЕНКА.
Фота Максіма МІКЕШЫНА.

Последние новости

Общество

На вопросы даны компетентные ответы

29 марта 2024
Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024