Каб не выбухнуў кацёл — рэкамендцыі спецыяліста жыхарам Кіраўшчыны

Каб не выбухнуў кацёл — рэкамендцыі спецыяліста жыхарам Кіраўшчыны

У зводкі па надзвычайных сітуацыях, якія паступаюць у халодны час году, рэгулярна трапляюць звесткі пра згарэлыя або разбураныя прыватныя дамы. І прычынай чаму становяцца не толькі непатушаная цыгарэта або няспраўная печ, але і звычайны ацяпляльны кацёл. На гэта скіроўвае ўвагу жыхароў Кіраўшчыны дзяржаўны інспектар Магілёўскага абласнога ўпраўлення Дзяржпрамнагляду Ірына Платоненка.

Асноўная прычына, па якой узрываюцца катлы, – гэта замярзанне сістэмы ацяплення. Вада ў трубах перастае цыркуляваць. Паліва пры гэтым працягвае гарэць. Унутры чыгунных секцый катла або труб закіпае вада.  Пры гэтым ціск пара ўнутры сістэмы пачынае вельмі хутка ўзрастаць. У нейкі момант будзе дасягнута крытычная адзнака ціску, якую метал не вытрымлівае – і якімі будуць наступствы разбурэнняў труб і секцый катла, прадугадаць ужо немагчыма. Справа ў тым, што адначасова ў замкнёную прастору выкідваецца вельмі вялікі аб’ём паравадзяной сумесі. Ціск унутры памяшкання імкліва расце, i ў лепшым выпадку ўсё скончыцца выбітымі шыбамі. Пры горшым раскладзе будуць разбураны канструкцыі памяшкання.

Слабыя месцы, дзе сістэму ацяплення можа “прыхапіць” лядком – гэта расшыральныя бакі, цыркуляцыйныя трубы і халодныя памяшканні кшталту гарышча.

У зону рызыкі ў асноўным трапляюць тыя катлы, якія працуюць не пастаянна, а эпізадычна.

Перад пускам катла домаўладальнік павінен упэўніцца ў тым, што запорныя сістэмы мусяць быць адчынены адразу на двух трубапровадах – тым, які падае, і зваротным. Адкрыць трэба і ўсе запорныя ўстройствы, устаноўленыя на сістэме ацяплення. З ніжняга аддзялення дымавой трубы выдаліце кандэнсат. Гэта дапаможа пазбегчы атручэння чадным газам. Рэгулярна правярайце агалоўкі труб і каналаў дымаходаў. Перш чым распальваць кацёл, адкрыйце лінію падсілкоўвання сістэмы і кантрольную лінію запаўнення расшыральнага бака. Тое, што сістэма не замёрзла, стане ясна, калі вада пачне сцякаць з кантрольнай лініі.

Але ўявім сабе наступную сітуацыю: з кантрольнай лініі вада не пайшла. Што ж рабіць у такім выпадку? Калі ціск у катле няспынна расце і дасягнуў паказчыку вадапроваднай сеткі, то гэта сведчыць пра тое, што сістэма ацяплення замерзла. Пры такім раскладзе распальваць кацёл катэгарычна забаронена. Спадзявацца на тое, што пара праб’е ледзяную пробку не трэба – разам з гэтым яна разнясе і трубу з катлом. Трэба вызначыць прыкладнае месца замярзання ацяпляльнай сістэмы, адагрэць яго і праверыць, ці пацякла з кантрольнай лініі пры адкрытым сілкаванні вады. І толькі калі гэта адбылося, пачынайце распальваць кацёл, кантралюючы пры гэтым паказанні манометра. Калі ціск набліжаецца да максімальна дапушчальнага, тут жа спыняйце падачу паліва і выдаліце яго з катла ў бяспечнае месца. Бо гэта сведчыць аб тым, што сістэма ацяплення не адагрэта…

Нячаста, але здараецца і так, што замярзае сам кацёл. Як і трубу, адаграваць яго адкрытым агнём катэгарычна забаронена, рабіць гэта можна з дапамогай, напрыклад, гарачай вады. Аднак калі пры разагрэве вы ўбачылі, што з паверхні нагрэва пайшла вада – гэта значыць, што кацёл разгерметызаваўся. І дарога яму толькі адна – у рамонтную майстэрню. У такім стане да далейшай эксплуатацыі ён непрыдатны. Стальны кацёл спецыялісты перавараць, ну а ў чугунным яны заменяць пашкоджаныя секцыі і перапакуюць іх нанова.

Не падпускайце “кулібіных”.

Восем катлоў, якія ўзарваліся за апошнія пяць год, былі самаробнымі. Народныя ўмельцы сяк-так скляпалі ацяпляльныя агрэгаты. Але зразумела, што пры гэтым узнікае вялікая рызыка таго, што могуць пачацца праблемы з паверхнямі нагрэву, топкі, застойнымі зонам. У рэшце рэшт гэта заканчваецца тым, што вада пераграецца і кацёл разрываецца. Да таго ж улічыце, што на “самаробках” не ўстаноўлены, як правіла, ні тэрмометры, ні манометры, ні засцерагальныя клапаны.

І таму мы папярэджваем: не карыстайцеся самаробнымі катламі і не давярайце устаноўку сертыфікаваных агрэгатаў людзям, якія не маюць спецыяльнай кваліфікацыі. Тыя грошы, якія вы ашчадзіце на гэтым, могуць пасля агукнуцца пажарам, моцным разбурэннем ці цяжкімі траўмамі. Дык ці трэба рызыкаваць дзеля эканоміі сваёй маёмасцю, жытлом, а можа, і здароўем або нават жыццём?

Мантаж і наладку сістэмы ацяплення павінны праводзіць толькі спецыялізаваныя арганізацыі. Пры гэтым іх супрацоўнікі абавязкова павінны правесці навучанне карыстальнікаў катлоў і зрабіць пазнаку аб гэтым у пашпарце на агрэгат.

ІНФАРМАЦЫЯ

аб надзвычайных здарэннях з катламі адзінкавай магутнасцю да 100 кВт, якія працуюць на цвёрдых відах паліва, у 2018 годзе.

18.01. У кацельні в.Новы Свержань Стаўбцоўскага раёна Мінскай вобласці адбыўся разрыў ацяпляльнага катла на цвёрдым паліве без наступнага гарэння. У выніку разрыву пашкоджана шкленне 7 аконных праёмаў, атрымаў пранікальнае раненне брушной поласці асколкамі аконнага шкла грамадзянін 1968 г.н. — індывідуальны прадпрымальнік (арандатар часткі будынка), які быў шпіталізаваны. Прычына разрыву катла — адсутнасць цыркуляцыі цепланасіцеля.

28.02. У прыватным жылым доме в.Малая Ухалода Барысаўскага раёна Мінскай вобласці адбыўся выбух ацяпляльнага катла на цвёрдым паліве без наступнага гарэння. У выніку разрыву шпіталізаваны з апёкамі 1-3 ступені (45% цела) пенсіянер, уладальнік домаўладання1969 г.н., пашкоджаны кацёл, дахавае перакрыцце на плошчы 1,5 кв.м, шкленне аконнага праёма. Прычына разрыву катла — адсутнасць цыркуляцыі цепланасіцеля.

22.10. У  прыватным доме па пер.Паўднёвым г.Магілёва адбыўся выбух катла. Прычына разрыву — адсутнасць цыркуляцыі цепланасіцеля.

2.11. У ТАА “Багалін” (вул.Глуская, 63 г.Бабруйска) з-за павышэння ціску звыш дапушчальнай нормы ў сістэме ацяплення адбыўся разрыў поліпрапіленавага трубаправода. Прычына — няспраўнасць засцерагальнага клапана. У выніку разрыву пацярпеў машыніст кацельні: апёкі цела — каля 15%.

2.11. У памяшканні кацельні будынку малочна-таварнай фермы ААТ “Светлы шлях Агра” ў в.Каменка Чавускага раёна Магілёўскай вобласці адбыўся выбух катла на цвёрдым паліве. У выніку выбуху загінуў 57-гадовы вартаўнік-качагар. З-за выбуху пашкоджаны кацёл, 8 кв.м сцяны з сэндвіч-панэлей і аконны блок. Прычына разрыву катла — адсутнасць цыркуляцыі цепланасіцеля.

 

 

Последние новости

Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024