У добры шлях па Краіне ведаў! На Кіраўшчыне прайшлі ўрачыстыя школьныя лінейкі

У добры шлях па Краіне ведаў! На Кіраўшчыне прайшлі ўрачыстыя школьныя лінейкі

Сёння ва ўстановах адукацыі горада і раёна прайшлі ўрачыстыя лінейкі, гучалі залівістыя званкі, якія абвясцілі аб пачатку новага навучальнага года. Сотні хлопчыкаў і дзяўчынак зноў сустрэліся з любімымі настаўнікамі, сябрамі-аднакласнікамі, зноў увайшлі ў прасторныя, утульныя і абноўленыя кабінеты. У школах раёна сёлета будуць займацца 1900 вучняў, 192 з якіх — першакласнікі.

Весела і шматлюдна было ўчарашняй раніцай у СШ №1 райцэнтра. Пляцоўку каля ўстановы адукацыі запоўнілі вучні, іх бацькі, бабулі і дзядулі, настаўнікі. Павіншаваць рабят з Днём ведаў прыйшлі таксама ганаровыя госці: член Савета Рэспублікі Нацыянальнага сходу Рэспублікі Беларусь, генеральны дырэктар РУП “Магілёўэнерга” Канстанцін Пуціла, старшыня райвыканкама Міхаіл Гулы, начальнік аддзела па адукацыі, спорту і турызму райвыканкама Наталля Траццякова, начальнік райаддзела па надзвычыйных сітуацыях Сяргей Собаль, першы намеснік начальніка РАУС Віктар Кузьменка, в.а па пасадзе начальніка аддзялення ДАІ РАУС Віталь Котаў.

Аб урачыстым адкрыцці лінейкі абвясцілі гукі Дзяржаўнага гімна Рэспублікі Беларусь. Ганаровае права ўзняць Дзяржаўны флаг Рэспублікі Беларусь было прадастаўлена адным з лепшых вучняў школы: шматразовай пераможцы першага этапа рэспубліканскіх алімпіяд па вучэбных прадметах Марыі Ніканавай і пераможцу абласной алімпіяды па фізіцы Паўлу Пятрушу.

Дружнымі і шчырымі апладысментамі прысутныя віталі першакласнікаў, якіх у дружную школьную сям’ю ўлілося 77 чалавек. З букетамі кветак яны прайшліся паўз рады іншых школьнікаў. У краіну ведаў павялі выхаванцаў  педагогі Таццяна Гушчына, Таццяна Бягун і Святлана Пятруша.

Свае віншаванні з Днём ведаў вучням, настаўнікам, бацькам адрасаваў Канстанцін Пуціла. Ганаровы госць пажадаў школьнікам атрымаць у сценах роднай школы максімум ведаў, знайсці сваю дарогу ў жыцці і стаць у будучым карыснымі грамадству. Канстанцін Іванавіч адзначыў, што паміж установай адукацыі і РУП “Магілёўэнерга” наладжана цеснае супрацоўніцтва, яно працягнецца і ў далейшым. Дарэчы, сёлета арганізацыя ўжо аказала дапамогу школе ў правядзенні рамонту спартыўнай залы.

Віншуючы прысутных на лінейцы, старшыня райвыканкама Міхаіл Гулы падкрэсліў, што дзяржава вельмі клапоціцца аб падрастаючым пакаленні, будучых сваіх грамадзянах. Падтрымка сістэмы адукацыі — адзін з галоўных яе прыярытэтаў.  Школа — гэта месца, дзе закладваецца падмурак ведаў, якія спатрэбяцца ў жыцці, а таму рабятам за тыя гады, якія яны правядуць за партай, неабходна ўзяць іх як мага больш.  Міхаіл Уладзіміравіх шчыра пажадаў поспехаў усім вучням, асабліва першакласнікам, якія ў гэты дзень хваляваліся больш за іншых. Апладысментамі прысутныя сустрэлі падарунак ад райвыканкама. Кіраўнік раёна ўручыў дырэктару школы Мікалаю Казлову сертыфікат на атрыманне спартыўнага інвентару.

Нікога не пакінулі раўнадушнымі вершаваныя прывітанні першакласнікаў. У адказ новым жыхарам дружнай школьнай сям’і свае добрыя парады далі самыя вопытныя з вучняў — аддзінаццацікласнікі. Яны ж уручылі меншым школьнікам рознакаляровыя паветраныя шары. Дарэчы, кожны першакласнік у гэты дзень атрымаў падарунак і ад Прэзідэнта Рэспублікі Беларусь — кнігу “Беларусь — наша Радзіма” з электронным DVD-дадаткам. Выданне ярка ілюстравана, а DVD змяшчае дадатковую інфармацыю для прагляду і праслухоўвання.

А кульмінацыяй урачыстай лінейкі па традыцыі стаў першы званок, які абвясціў аб пачатку новага навучальнага года.Ганаровае права даць яго атрымалі вучань 11 класа Аляксандр Дзятлаў і першакласніца Яна Сачонак.

Усе вучні разам са сваімі настаўнікамі накіраваліся ў школьныя кабінеты. Працягам дня быў першы ўрок, тэмай якога сталі радкі верша “Маладая Беларусь” класіка роднай літаратуры Янкі Купалы: “Занімай, Беларусь маладая мая, свой пачэсны пасад між народамі!”.

Новы навучальны год стартаваў. Няхай жа ён стане годам новых цікавых адкрыццяў, здзяйсненняў мар і задум, творчых дасягненняў!

Аляксандр ХАХЛОЎ.

Фота Максіма МІКЕШЫНА.

Последние новости

Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024