Вераснёўскія клопаты аграрыяў КСУП “Ніва-Барсукі”

Вераснёўскія клопаты аграрыяў КСУП “Ніва-Барсукі”

Увесь светлавы дзень на палетках сельгасарганізацый раёна не змаўкае гул тэхнікі: клопаты аграрыяў накіраваны на ўраджай наступнага года. Зараз актыўнымі тэмпамі вядзецца сяўба азімых культур.
У зладжаным рытме праходзяць работы ў КСУП “Ніва-Барсукі”. Здаецца, зусім нядаўна ніваўцы яшчэ ўбіралі збожжавыя, засыпалі залацістае зерне ў засекі, частку яго адпраўлялі ў залік дзяржзаказу. І вось ужо зноў зярняты роўнымі радамі кладуцца ў глебу, каб хутка апрануць палеткі ў яркую зеляніну маладых раслін.

Надвор’е пакуль спрыяе земляробам, таму работы вядуцца шырокім фронтам, адразу на некалькіх участках. Збожжавы азімы клін сёлета зойме 1750 га: на 750 га
размесціцца пшаніца, на 700 га — трыцікале, на 300 — жыта.
У мінулую пятніцу карэспандэнты “раёнкі” пабывалі на палетках сельгаспрадпрыемства і пацікавіліся не толькі ходам пасяўной кампаніі, але і ўсіх восеньскіх палявых работ.
“Пакуль што ў нас задзейнічаны адзін пасяўны агрэгат, — расказаў брыгадзір брыгады “Барсукі” Сяргей Сіўчыкаў. — Нагатове яшчэ адзін, у бліжэйшыя дні і яго ўключым у работу”.
Своечасова, з захаваннем тэхналогіі правялі ў сельгаспрадпрыемстве сяўбу рапсу на 432 га, свірэпіцы — на 120 га. Вырошчванне гэтых культур і іх рэалізацыя штогод дае ніваўцам магчымасць атрымліваць дадатковыя грошы.
Распачаць сяўбу азімых збожжавых даверылі аднаму з самых вопытных і адказных механізатараў Генадзю Макаронку. На гэтых работах ён не першы год, заўсёды ў ліку перадавікоў і ўнутрыгаспадарчага, і раённага спаборніцтваў. Справу сваю ведае на выдатна. Кіруе складанай тэхнікай з лёгкасцю, даглядае яе, не дапускае значных паломак. Пасяўныя работы механізатар выконвае хутка і якасна. У пары з ім на падвозцы і загрузцы насення працуе Уладзімір Ермалаеў.
Не менш адказная задача — падрыхтоўка глебы. Менавіта ад якасці праведзенага да­дзенага агратэхнічнага прыёму залежаць будучыя збожжавыя намалоты. Даручылі гэтую справу Уладзіміру Лебедзеву, Аляксандру Якаўлеву і Валерыю Кухарэнку. На ўзворванні глебы заняты Дзяніс Бурак, Васіль Белаглазаў і Мікалай Таранаў. Кожны з іх з разуменнем і адказнасцю выконвае даручаную справу, усведамляючы, што ў тым ліку і ад іх залежыць хлебны каравай 2020 года.
Паралельна з сяўбой азімых вядуцца і іншыя сельскагаспадарчыя работы. Ідзе ўборка траў на падкормку для грамадскага статка. На здрабненні кармавых культур заняты Ула­дзімір Еўдакімаў, на адвозцы — Мікалай Сурын.
Міхаіл Рымараў займаецца ўнясеннем мінеральных угнаенняў, праведзены гэтыя работы ўжо больш чым на 1100 га, Алег Сакабіцкі задзейнічаны на апрацоўцы гліфасатамі глебы ад пустазелля.
Ні на хвіліну не прыпыняюцца работы на прэсаванні саломы, якая адвозіцца да месцаў складзіравання. На вызваленыя палеткі адразу выходзяць трактары з глебаапрацоўваючымі агрэгатамі. Услед — пасяўныя агрэгаты.
Свайго часу дачакалася і “царыца палёў”, якая сёлета займае 1000 га, на 200 га яе ўбяруць на зерне, астатняе — на корм грамадскаму статку.
Па словах брыгадзіра Сяргея Сіўчыкава, пасевы кукурузы сёлета вельмі радуюць. Расліны месцамі “вымахалі” пад 2 метры ў вышыню, з моцнай зялёнай масай, якая стане добрым кормам для БРЖ. Дарэчы, ніваўцы апошнім часам не ведаюць праблем з кармамі, іх заўсёды ў наяўнасці паўтарагадовы запас: аб гэтым яны клапоцяцца з ранняй вясны і да позняй восені.
Як адзначыў Сяргей Сіўчыкаў, усе работы вядуцца ў адпаведнасці з планамі. Садзейнічае гэтаму адказнае стаўленне да сваіх абавязкаў механізатарскіх кадраў. Многія з іх не
адзін дзясятак гадоў прысвяцілі сябе нялёгкай земляробскай справе. З такімі надзейнымі спецыялістамі, упэўнены ў сельгаспрадпрыемствы, любыя задачы выканальныя.
На высокапрадукцыйную працу на восеньскіх палетках накіраваны меры маральнага і матэрыяльнага заахвочвання. Механізатары забяспечваюцца гарачым харчаваннем, працаўнікі поўнасцю ўкамплектаваны сродкамі індывідуальнай абароны і спецвопраткай.
З раніцы і да позняга вечара шчыруюць працаўнікі на палетках, каб забяспечыць высокія тэмпы і якасць сяўбы, каб быў закладзены трывалы падмурак пад ураджай наступнага года.
Людміла СЯМЁНАВА.
Фота
Максіма МІКЕШЫНА.

Последние новости

Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024