Дэлегацыя Кіраўшчыны прыняла ўдзел у абласным фестывалі-кірмашы працаўнікоў вёскі “Дажынкі-2019”

Дэлегацыя Кіраўшчыны прыняла ўдзел у абласным фестывалі-кірмашы працаўнікоў вёскі “Дажынкі-2019”

Маштабна, маляўніча прайшоў у г.Магілёве абласны фестываль-кірмаш працаўнікоў вёскі “Дажынкі-2019”.

У ім прыняла ўдзел дэлегацыя Кіраўшчыны, у якую ўваходзілі кіраўніцтва раёна, кіраўнікі сельгасарганізацый, перадавікі жніва-2019, заслужаныя ветэраны галіны.

Асноўнае месца ў праграме мерапрыемства заняло ўшанаванне аграрыяў.

Урачыстая цырымонія “Слава і гонар зямлі Магілёўскай” адбылася ў канцэртнай зале Палаца культуры вобласці, куды падчас параду-прадстаўлення крочылі святочныя калоны афіцыйных дэлегацый рэгіёнаў Прыдняпроўскага краю. А перад гэтым падчас адкрыцця абласных “Дажынак-2019” рапарт ад імя аграрыяў Магілёўшчыны здаў старшыні Магілёўскага аблвыканкама Леаніду Зайцу дырэктар ААТ “Рассвет імя К.П.Арлоўскага” Аляксандр Багель.

На ўрачыстай цырымоніі ў зале Палаца культуры прысутнічалі: старшыня Магілёўскага аблвыканкама Леанід Заяц, памочнік Прэзідэнта Рэспублікі Беларусь – галоўны інспектар па Магілёўскай вобласці Міхаіл Русы, міністр па надзвычайных сітуацыях Уладзімір Вашчанка, намеснік міністра сельскай гаспадаркі і харчавання Уладзімір Гракун, намеснік міністра прыродных рэсурсаў і аховы навакольнага асяроддзя Аляксандр Корбут, члены Савета Рэспублікі, дэпутаты Палаты прадстаўнікоў Нацыянальнага сходу Рэспублікі Беларусь, прадстаўнікі органаў дзяржаўнага кіравання, грамадскіх арганізацый, дэлегацыі раёнаў, кіраўнікі рэгіёна мінулых год, заслужаныя работнікі АПК, ветэраны галіны, моладзь.

Прывітанне Прэзідэнта Беларусі Аляксандра Лукашэнкі, якое ён накіраваў удзельнікам і гасцям “Дажынак-2019” у Магілёве, зачытаў Міхаіл Русы. У прывітанні было адзначана: “Спакон вякоў на зямлі працавалі і перадавалі свае традыцыі патомкам самыя адказныя, добрасумленныя, мудрыя людзі. Выказваю ўдзячнасць усім, хто вырасціў і сабраў да апошняга зярнятка наш хлеб – самае каштоўнае “беларускае золата”, хто забяспечвае рэспубліку агароднінай, мясам і малаком”.

Кіраўнік дзяржавы падкрэсліў, што сельскагаспадарчая прадукцыя ўсходняга рэгіёна краіны пастаўляецца ў дзясяткі краін свету, і патэнцыял гэтай зямлі ацанілі буйныя айчынныя і міжнародныя вытворцы. 

“Упэўнены, Магілёўшчына гатова паспяхова вырашыць усе пастаўленыя перад ёй задачы аграпрамысловай галіны. Бо галоўным рэсурсам рэгіёна з’яўляюцца яго жыхары, чые працавітасць і сіла духу заўсёды накіраваны на карысць роднай Беларусі”, — адзначыў Прэзідэнт. І пажадаў працаўнікам вёскі і іх сем’ям моцнага здароўя, міру, дабра, дабрабыту і нязменнай удачы ва ўсіх пачынаннях.

Падчас урачыстасці прагучала, што сёлета на Магілёўшчыне агульны каравай збожжавых склаў 930 тыс. т. Дастойным атрымаўся і ўраджай іншых сельгаскультур – цукровых буракоў, ільну, кукурузы, масланасення рапсу, ільновалакна.

У сваёй прамове старшыня аблвыканкама Леанід Заяц назваў лепшых удзельнікаў жніва, іх важкія рэзультаты. Сярод пераможцаў абласнога спаборніцтва за дасягненне высокіх паказчыкаў на ўборцы збожжавых і зернебабовых культур у 2019 годзе – і Кіраўскі раён: на яго рахунку — трэцяе месца. Дыплом аблвыканкама быў уручаны старшыні райвыканкама Міхаілу Гуламу.

Кіраўнік вобласці выказаў шчырую ўдзячнасць аграрыям, дзякуючы зладжанай і напружанай рабоце якіх, а таксама прадстаўнікоў іншых сфер народнагаспадарчага комплексу дасягнуты поспехі на ўборачнай кампаніі гэтага года.

У ходзе цырымоніі Ганаровай граматай Магілёўскага аблвыканкама за шматгадовую добрасумленную працу, дасягненне высокіх вытворчых паказчыкаў, значны асабісты ўклад у развіццё сельскагаспадарчай галіны быў узнагароджаны вадзіцель КСУП “Ніва-Барсукі” Іван Скрыпуноў.

Старшыня праўлення Белкаапсаюза Валерый Іваноў уручыў каштоўныя падарункі партнёрам сістэмы спажыўкааперацыі: у ліку іншых яго атрымаў дырэктар ААТ “Рассвет імя К.П.Арлоўскага” Аляксандр Багель.

На сцэне адбылася перадача эстафеты ад заслужаных ветэранаў сельскай гаспадаркі маладым кіраўнікам сельгасарганізацый – у ёй прыняў удзел выканаўчы дырэктар Магілёўскага Аграпрамысловага саюза, ганаровы грамадзянін Кіраўскага раёна Аляксандр Серакоў.

Цырымонія ўзнагароджвання перадавікоў аграпрамысловага комплексу прайшла і ў малой канцэртнай зале Палаца вобласці.

Ганаровай граматай Магілёўскага аблвыканкама быў узнагароджаны вадзіцель аўтамабіля ААТ “Дабяснянскае” Мікалай Асташоў, падзяка аблвыканкама аб’яўлена трактарысту-машыністу сельскагаспадарчай вытворчасці ААТ “Рассвет імя К.П.Арлоўскага” Валерыю Піскунову. Ганаровая грамата Магілёўскага абласнога Савета дэпутатаў уручана дырэктару ААТ “Рассвет імя К.П.Арлоўскага” Аляксандру Багелю, ён таксама ўзнагароджаны юбілейным медалём “115 год прафсаюзнаму руху Беларусі”. Ганаровую грамату Міністэрства сельскай гаспадаркі і харчавання Рэспублікі Беларусь атрымаў першы намеснік упраўлення па сельскай гаспадарцы і харчаванні райвыканкама Анатоль Ланкуць. 

У праграме свята быў конкурс “Каравай “Дажынкі-2019”, у якім прынялі ўдзел вырабы з усіх рэгіёнаў.

На абласным свяце працаўнікоў вёскі ў ліку іншых былі прадстаўлены падвор’і сельгасарганізацый раёна: райаграпрамзабеспячэння, ААТ “Рассвет імя К.П.Арлоўскага”, КСУП “Чырвоны баец”, гандлёвыя рады райспажыўтаварыства, а таксама выставы-продажы Жыліцкага сельгаскаледжа, РЦСАН, народнай творчасці. Настрой удзельнікам і гасцям узнімалі работнікі культуры раёна, самадзейныя творчыя калектывы і выканаўцы.

Наталля ХАДАКОВА.

Фота Максіма МІКЕШЫНА, с сайтов http://mogilev-region.gov.byhttps://mogilevnews.by

Последние новости

Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024