Аператары машыннага даення КСУП “Чырвоны баец” Таццяна Біч і Анастасія Крыванос

Жывёлаводы МТФ “Дваранінавічы” КСУП “Чырвоны баец” вось ужо на працягу некалькіх год не здаюць сваіх лідзіруючых пазіцый па нарошчванні вытворчасці малочнай прадукцыі.

Шмат увагі надаюць тут якасці атрымліваемага малака, бо разумеюць – чым вышэй гатунак, тым вышэй цана продажу.
З пачатку бягучага года жывёлаводы гаспадаркі ўзялі курс на павелічэнне вытворчасці малака. І гэта ім удаецца, аб чым сведчаць эканамічныя паказчыкі. За 10 месяцаў імі рэалізавана 3779,7 т малочнай прадукцыі, прычым уся яна адпраўлена на перапрацоўчае прадпрыемства гатункамі “экстра” і вышэйшым. А ўвогуле з пачатку года на МТФ надаілі 4075,1 т малака, што на
229,5 т больш адпаведнага перыяду 2018 г. З важкім “плюсам” у 72 т выйшлі па атрыманні малака і па выніках кастрычніка. Ад кожнай каровы ў сярэднім за 10 месяцаў надаілі па 6572 кг, што на 370 л
больш адпаведнага перыяду мінулага года. Лічбы, шчыра кажучы, уражваюць.
Як адзначыў начальнік цэха жывёлагадоўлі МТФ “Дваранінавічы” Арман Шынвізэ, садзейнічаюць паспяховай працы па нарошч­ванні вытворчасці малака трывалая кармавая база, удасканаленне селекцыйнай работы, дакладнае выкананне тэхналогіі вытворчасці прадукцыі. Аднак галоўным аспектам спецыяліст назваў кадры. На МТФ “Дваранінавічы”, дзе працуе каля 40 чалавек, у гэтым сэнсе – парадак: кожны на сваім рабочым месцы — ад спецыяліста да жывёлавода – з адказнасцю і разуменнем ставіцца да даручанага ўчастка работы.
Асаблівай удзячнасці, па словах спецыяліста, заслугоўвае добрасумленная праца даярак Таццяны Біч і Анастасіі Крыванос (на здымку), Галіны Здункевіч, Зінаіды Сенчуковай, Ірыны Пархімчык, якая задзейнічана ў цэху раздою. Нядаўна ў іх калектыў прыйшла “навічок” – Наталля Пекліна, якая з радасцю пераймае вопыт старэйшых калег, прыслухоўваецца да іх парад.
Паспяхова спраўляецца са сваімі абавязкамі аператар па штучным асемяненні БРЖ Юлія Пархімчык. Нельга пераацаніць уклад у агульную справу вет­урача Алега Перавознікава, ветфельчараў Анжэлы Кузьміч і Таццяны Новік, заатэхніка-селекцыянера Ірыны Даніленка, лабаранта Алены Навуменка. Адказна ставяцца да сваіх абавязкаў аператары жывёлагадоўчых комплексаў і механізаваных ферм Дзмітрый Цяніцкі, Юрый Манетаў, Раман Лазараў. Бесперабойная работа электрычнага абсталявання – клопат галоўнага энергетыка Валерыя Макаронка.
Слоў падзякі заслугоўвае праца аператараў, занятых дарошчваннем, вырошчваннем і адкормам БРЖ. Прычым і маладыя, і больш вопытныя кадры ўмела спалучаюць багатыя веды тонкасцей прафесіі і маладзёжны запал.
З такім калектывам, упэўнены начальнік цэха жывёлагадоўлі МТФ “Дваранінавічы” Арман Шынвізэ, можна дасягаць высокіх надояў і важкіх прываг.
Грамадскі статак, а гэта 2478 галоў, з якіх 620 кароў, забяспечваецца якаснымі і збалансаванымі кармамі, аб чым з ранняй вясны да позняй восені клапоцяцца работнікі раслінаводчай галіны.
Рацыён дойнага статка і цялушак прадуманы да дробязей, займаецца гэтым галоўны заатэхнік Віктар Даніленка. Для кожнай групы жывёлы рацыён кармлення асобны, як таго патрабуе тэхналогія. У кармушках заўсёды ў дастатковай колькасці сіласу, сенажу, сена, саломы, камбікармоў і плюшчанай кукурузы. Выкарыстанне кормараздатчыкаў дазваляе не толькі павысіць якасць кармлення, але і палепшыла ўмовы працы жывёлаводаў.
Як бачна, на МТФ “Два­ранінавічы” ўсе тры “К” – кадры, кармы, каровы – на якіх і трымаецца жывёлагадоўчая галіна – на вышэйшым узроўні, а гэта дае спадзяванне, што іх “малочныя рэкі” будуць яшчэ больш поўнымі і прыбытковымі.

Людміла СЯМЁНАВА.
Фота Максіма МІКЕШЫНА.