На фінішы адыходзячага года звычайна ацэньваюцца яго вынікі і вызначаюцца арыенціры на новы год.

На чарговай, 22 сесіі раённага Савета дэпутатаў 28 склікання, якая адбылася 27 снежня 2019 года, былі зацверджаны прагноз сацыяльна­эканамічнага развіцця раёна і раённы бюджэт на 2020 год. А перад гэтым на пасяджэнні райвыканкама праект прагнозу сацыяльна­эканамічнага развіцця раёна, раённага бюджэту на 2020 год былі абмеркаваны і адобраны.

Па традыцыі, пераднавагодняе пасяджэнне райвыканкама пачалося з уручэння ўзнагарод – гэтую місію выканаў кіраўнік раёна Міхаіл Гулы.

Былі таксама агучаны вынікі конкурсу на лепшае афармленне тэрыторый арганізацый раёна да Новага года. Падзячнымі пісьмамі райвыканкама ўзнагароджаны калектывы ПМК­255, УКП “Жылкамгас”, раённай цэнтральнай бальніцы. Заахвочвальнымі падарункамі адзначаны калектывы філіяла ААТ “Кіруючая кампанія холдынга “Бабушкина крынка”, Цэнтра дадатковай адукацыі дзяцей і моладзі г.Кіраўска.Былі абвешчаны вынікі круглагадовай спартакіяды калектываў фізічнай культуры раёна за 2019 год: першае месца – на рахунку аддзела па адукацыі, спорту і турызму райвыканкама, другое – ААТ “Рассвет імя К.П.Арлоўскага”, трэцяе – Жыліцкага дзяржаўнага сельскагаспадарчага каледжа. Пераможца адзначаны кубкам і дыпломам райвыканкама, прызёры – дыпломамі адпаведных ступеней.

На 22 сесіі раённага Савета дэпутатаў у межах рэспубліканскай дабрачыннай акцыі “Нашы дзеці” падарункавы сертыфікат ад Магілёўскай абласной асацыяцыі мясцовых Саветаў дэпутатаў Галіна Слабоднікава ўручыла дырэктару Цэнтра дадатковай адукацыі дзяцей і моладзі г.Кіраўска Наталлі Котавай для ўзорнай студыі юнага мадэльера “Жамчужына” – набыцця швейнай машынкі.

Яна падкрэсліла, што дзейнасць райвыканкама, арганізацый раёна была накіравана на выкананне галоўнай задачы – дасягнення рэальнага павышэння дабрабыту і ўзроўню жыцця людзей, захавання сацыяльна­эканамічнай стабільнасці.Падчас пасяджэння райвыканкама на чакаемых выніках выканання параметраў прагнозу сацыяльна­эканамічнага развіцця раёна за 2019 год спынілася намеснік старшыні райвыканкама Таццяна Русецкая.

У ходзе пасяджэння райвыканкама і сесіі раённага Савета дэпутатаў былі агучаны асноўныя напрамкі развіцця раёна ў 2020 годзе. Паказчыкі прагнозу, як адзначыла Таццяна Русецкая, вызначаліся з улікам леташніх тэндэнцый і вынікаў развіцця эканомікі.

Раённы бюджэт на 2020 год захаваў сацыяльную скіраванасць.

Наталля ХАДАКОВА.

Фота Максіма МіКЕШыНА.