Онлайн-канцэрт да Дня Перамогі
“Перамога – адна на ўсіх!” пад такой назвай калектыў цэнтралізаванай клубнай сістэмы падрыхтаваў святочны канцэрт да 75-годдзя Перамогі савецкага народа ў Вялікай Айчыннай вайне. Канцэрт прайшоў у рэжыме онлайн. Яго відэазапіс працягласцю больш за 50 мінут можна паглядзець у сацыяльнай сетцы “ВКонтакте” на старонцы ДУК “ЦКС Кіраўскага раёна” і на сайце раённай газеты “Кіравец”.
Онайл-канцэрт прысвяцілі ветэранам, усім тым, хто ў часіны ваеннага ліхалецця адстаяў свабоду і незалежнасць Радзімы, наша права на жыццё. Звяртаючыся да слухачоў, культработнікі адзначылі, што дзень 9 Мая – свята, якое аб’ядноўвае людзей розных пакаленняў, за 75 год многія падзеі ў гісторыі нашага народа пераацэньваюцца, аднак навекі захавана памяць аб подзвігу воінаў-пераможцаў.
Сярод кампазіцый онлайн-канцэрта “Перамога – адна на ўсіх”: “Ад герояў былых часін”, “Абеліск”, “Малітва”, “Група крыві”, “Чатыры сыны”, вядома ж, “Смуглянка”, “Кацюша”, “Казакі” і іншыя. Фінальным акордам онлайн-канцэрта стала кампазіцыя “Дзень Перамогі” – кампазітара Давіда Тухманава на словы Уладзіміра Харытонава. Гэтая песня – абавязковы знакавы атрыбут урачыстасцей да Дня Перамогі, у радках якой адлюстраваны пачуцці радасці і гонару за вытрымку, стойкасць, мужнасць змагароў за мір і свабоду – кожнага, хто прайшоў скрозь Вялікую Айчынную вайну.