Творчы пошук прыносіць плён

Творчы пошук прыносіць плён

Важкі ўклад у развіццё культуры і мастацтва, маральнае і духоўнае выхаванне насельніцтва, у тым ліку падрастаючага пакалення ўносяць работнікі культуры Кіраўшчыны. Яны дораць радасць далучэння да свету прыгажосці і творчасці.

Напярэдадні прафесійнага свята культработнікаў – наша гутарка з начальнікам аддзела ідэалагічнай работы, культуры і па справах моладзі райвыканкама Ларысай ГАЎРЫЛАВАЙ:

– Дзейнасць арганізацый культуры накіравана на развіццё і эфектыўнае выкарыстанне рэсурсаў сістэмы культуры раёна, рэалізацыю творчага патэнцыялу грамадзян і падтрымку таленавітай моладзі, выкананне Дзяржаўнай праграмы «Культура Беларусі» на 2016-2020 гады.
Насельніцтва Кіраўшчыны абслугоўваюць 36 устаноў культуры: 17 бібліятэк, 16 клубных устаноў, 2 дзіцячыя школы мастацтваў, УК «Жыліцкі гістарычны комплекс-музей». Працуюць 5 аматарскіх калектываў мастацкай творчасці са званнямі «народны» і «ўзорны».
Гэты год насычаны знакавымі мерапрыемствамі, праводзімымі ў межах 75-годдзя Вялікай Перамогі, Года малой радзімы, 85-годдзя ўтварэння Кіраўскага раёна – культработнікі прыма­юць у іх непасрэдны ўдзел.
У верасні на Дні беларускага пісьменства ў г.Бялынічы быў ярка прадстаўлены Кіраўскі раён: работнікі цэнтральнай бібліятэкі на высокім творчым узроўні прэзентавалі падрыхтаваную тэматычную экспазіцыю «СССР – аплот міру і працы» пра развіццё сельскай гаспадаркі ў 1945-1991 гадах.
У жніўні ўпершыню быў арганізаваны раённы фестываль «Яблычны Спас» у зоне адпачынку «Крынічка» в.Пацава Слабада. Маляўніча і ўрачыста прайшлі раённыя святы Першай баразны і «Зажынкі», а нядаўна – «Дажынкі-2020».

У клубных установах ДУК «Цэнтралізаваная клубная сістэма Кіраўскага раёна» па стане на 1 верасня бягучага года працуе 146 клубных фарміраванняў. На іх рахунку – нямала поспехаў і ўзнагарод фестываляў, конкурсаў. Так, узорны харэаграфічны ансамбль «Паскакушкі» раённага Цэнтра культуры і вольнага часу прыняў удзел (дыстанцыйна) ў Міжнародным конкурсе-фестывалі «Гарэзлівая вясна», па яго выніках атрымаў Дыплом I ступені і Падзячнае пісьмо; вакальны ансамбль «Надзея» – у XV Рэспубліканскім фестывалі народнай творчасці ветэранскіх калектываў «Не старэюць душой ветэраны» і заваяваў 2 дыпломы II ступені, 4 дыпломы III ступені, 2 дыпломы ўдзельніка. Член аматарскага аб’яднання «Умелыя ручкі» Марыя Ачыновіч
удзельнічала ва Усерасійскім онлайн-конкурсе дзіцячых малюнкаў «Партрэт франтавога сабакі» (г.Масква), творчым онлайн-конкурсе плакатаў «Каранцінкі» (г.Навасібірск) – атрыманы дыплом удзельніка, а кіраўнік аб’яднання Наталля Ачыновіч адзначана падзякай дырэктара абласной дзіцячай бібліятэкі г.Навасібірска за высокі прафесійны ўзровень падрыхтоўкі.
У сувязі з неспрыяльным эпідэміялагічным становішчам па каранавіруснай інфекцыі культработнікі для насельніцтва раёна арганізоўвалі онлайн-мерапрыемствы з наступным размяшчэннем іх у сацыяльных сетках ВКонтакте, Одноклассники, Фейсбук: онлайн-канцэрты да Дня Перамогі, Дня Незалежнасці Рэспублікі Беларусь, дыстанцыйныя конкурсы – арыгінальных парасонаў у межах фестывалю «Парад парасонаў-2020», авангарднай моды «Фламінга-2020», конкурс-выстава дзіцячага малюнка «Я малюю лета», у якім прымалі ўдзел удзельнікі клубных фарміраванняў устаноў культуры, выхаванцы дашкольных устаноў адукацыі, конкурс-выстава дэкаратыўна-прыкладнога мастацтва «Мая творчасць» сярод удзельнікаў народнага аматарскага аб’яднання «Бадзёрасць».
У маі-жніўні ў гарадскім парку праводзіліся канцэртныя і забаўляльныя праграмы: «За любімую Беларусь!», «Роднаму краю прысвячаецца», «Жадаем вам квітнець, расці!», «Край блакітных азёр». Была арганізавана работа кінатэатра пад адкрытым небам.

У нашым раёне дадатковую адукацыю ў сферы культуры прадастаўляюць дзіцячыя школы мастацтваў г.Кіраўска і аг.Жылічы. За студзень-жнівень іх выхаванцамі атрымана 46 дыпломаў, у тым ліку 2 Гран-пры, 14 дыпломаў
I ступені, 15 – II ступені, 13 – III ступені, спецыяльныя дыпломы «Надзея» і «Гран-пры» міжнародных конкурсаў. Настаўнікі ўзнагароджаны дыпломамі і падзячнымі пісьмамі за высокі прафесіяналізм і педагагічны талент.

Напярэдадні прафесійнага свята работнікаў культуры асаблівыя словы віншаванняў хочацца адрасаваць ветэранам нашай галіны, якія на працягу дзясяткаў год прымнажалі культурную спадчыну Кіраўшчыны, – гэта Т.Л.Галубоўская, У.Б.Барэйша, В.М.Петрамовіч, У.Р.Татарынаў, Л.Ц.Лагойка, Л.В.Забелава і многія іншыя.
Варта адзначыць сённяшніх творчых, адданых сваёй справе работнікаў культуры: настаўнікаў дзіцячых школ мастац­тваў – Таццяну Пашкоўскую (Жыліцкая ДШМ), Людмілу Каранкевіч, Аліну Якавенка, Аляксандра Хадакова (ДШМ г.Кіраўска), дырэктара ДУК “Цэнтралізаваная клубная сістэма Кіраўскага раёна” Эму Калмыкову, дырэктара ДУК “Цэнтралізаваная бібліятэчная сістэма Кіраўскага раёна” Марыну Цвяткову і яе намесніка Алену Бяляўскую, дырэктара дзіцячай школы мастацтваў г.Кіраўска Таццяну Цяшаеву, дырэктара УК “Жыліцкі гістарычны комплекс-музей” Уладзіслава Кулакевіча, загадчыка дзіцячага сектара раённага Цэнтра культуры і вольнага часу Наталлю Ачыновіч, загадчыкаў сельскіх устаноў культуры Таццяну Васількову (Жыліцкая сельская бібліятэка), Галіну Пінчук (Дабаснянскі СДК), Ніну Шаболда (Стайкаўскі сельскі клуб), Галіну Пімошыну (Скрыпліцкі СДК), Надзею Пінчук (Любоніцкі СДК). Увогуле добрых слоў за сваю работу заслугоўваюць і шэраг іншых работнікаў.
Шчырая ўдзячнасць усім, хто плённа працуе ў сферы культуры раёна! Натхнення вам, творчых удач, новых поспехаў!

На здымках: дырэктар цэнтралізаванай клубнай сістэмы раёна Эма Калмыкова абмяркоўвае рабочыя пытанні з загадчыкам раённага Цэнтра культуры і вольнага часу Наталляй Карпенка, культ­арганізатарам і загадчыкам УК «Аўтаклуб» Уладзіславай Барысёнак і Алай Казловай; дырэктар УК “Жыліцкі гістарычны комплекс-музей” Уладзіслаў Кулакевіч дэманструе сувенірную прадукцыю.
Фота Максіма МІКЕШЫНА
і Людмілы СЯМЁНАВАЙ.

 

Последние новости

Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024