Свет адзін на ўсіх. 3 снежня — Дзень інвалідаў Рэспублікі Беларусь
3 снежня Генеральнай Асамблеяй ААН у 1992 годзе абвешчана як Міжнародны дзень інвалідаў. Указам Прэзідэнта Беларусі гэты дзень аб’яўлены ў нашай краіне Днём інвалідаў Рэспублікі Беларусь.
Мэта правядзення Міжнароднага дня інвалідаў – звярнуць увагу грамадства на праблемы людзей з абмежаванымі магчымасцямі, аказаць ім падтрымку, зрабіць так, каб яны адчулі, што не забыты, пра іх памятаюць і стараюцца зрабіць іх жыццё больш зручным і камфортным, падтрымаць годнасць іх правоў і асноў дабрабыту, а таксама прадаставіць роўныя магчымасці для ўдзелу ў грамадскім жыцці.
Упраўленнем па працы, занятасці і сацыяльнай абароне райвыканкама прыняты меры, накіраваныя на павышэнне эфектыўнасці работы з грамадзянамі, якія з’яўляюцца інвалідамі. Колькасць непрацуючых інвалідаў ва ўзросце ад 18 год да агульнаўстаноўленага пенсіённага ўзросту, маючых прафесійныя і працоўныя рэкамендацыі, па стане на 1 снежня 2020 года склала 150 чалавек.
Арганізавана і праведзена апытанне непрацуючых інвалідаў, маючых працоўныя рэкамендацыі. Па яго выніках са 150 інвалідаў згодныя на садзеянне ў працаўладкаванні ў студзені-лістападзе гэтага года 13, з іх зарэгістраваны ва ўпраўленні 13; аказана садзеянне ў працаўладкаванні 12-ці, з іх 8-мі – у лік устаноўленай брані; арганізавана суправаджальнае працаўладкаванне з наступным маніторынгам працоўнай дзейнасці 5-ці; 1 чалавек зарэгістраваны для арганізацыі рамеснай дзейнасці з аказаннем фінансавай падтрымкі ў выглядзе субсідыі за кошт сродкаў дзяржаўнага пазабюджэтнага фонду сацыяльнай абароны.
Сярод грамадзян з інваліднасцю нямала мэтанакіраваных людзей, якія пачалі жыццё занава і разумеюць, наколькі яно дорага, якім бы ні было.
Любоў АЎСЯНІК, начальнік аддзела працы, заработнай платы і занятасці ўпраўлення па працы, занятасці і сацыяльнай абароне райвыканкама.
Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».