З мэтай фарміравання і забеспячэння ў дзяцей інфармацыйнай бяспекі шляхам прывіцця ім навыкаў адказных і бяспечных паводзін у сучасным інфармацыйным асяроддзі ў СШ №1 прайшоў Тыдзень Інтэрнэт-бяспекі. Аб гэтым паведаміла намеснік дырэктара па выхаваўчай рабоце ўстановы адукацыі Любоў Маркевіч.

Вучні I-IV класаў паўдзельнічалі ва ўроках бяспекі “Мы – разумныя карыстальнікі Інтэрнэту”, для вучняў V-VIII классаў прайшлі класныя гадзіны “Правілы зносін у Інтэрнэце”, а вучні IX-XI класаў самі ўжо змаглі падзяліцца набытымі ведамі падчас мерапрыемстваў “Інтэрнэт – сучаснае асяроддзе пражывання. Бяспека ў асяроддзі”.

Рабяты знаёміліся з правіламі паводзін у Сусветнай сетцы, вызначалі яе  станоўчыя і адмоўныя бакі. Асаблівую ўвагу засяродзілі на небяспечных момантах, якія могуць падсцерагчы карыстальнікаў. Вучні дзяліліся сваімі меркаваннемя – у чым заключаецца “небяспека” Інтэрнэту, як яе пазбегнуць, што трэба рабіць, калі атрымаў паведамленне ад незнаёмага чалавека, ці можна прадстаўляць свае дадзеныя.

Сямікласнікі стварылі і распаўсюдзілі сярод калектыву ўстановы адукацыі інфармацыйныя  лісткі пра такія існуючыя пагрозы ў Інтэрнэце, як інтэрнэт-мобінг, кібербулінг, тролінг, флэйм.

Шасцікласнікі формілі лісткі з інфармацыяй аб тым, што Інтэрнэт-прастора дазваляе раскрыць шматлікія магчымасці, дапамагае ў вучобе, знаёміць з усім светам.

Педагогам-псіхолагам было праведзена анкетаванне вучняў на выяўленне Інтэрнэт-залежнасці, а таксама аналіз, які дапамагае вывучыць праблемы бяспекі ў асяроддзі Інтэрнэт і адносіны да яе падлеткаў.

Падчас правядзення Тыдня Інтэрнэт-бяспекі вучнямі былі падрыхтаваны малюнкі, якія склалі аснову школьнай выставы “Мой бяспечны Інтэрнэт”.

Для законных прадстаўнікоў шляхам размяшчэння на сайце ўстановы адукацыі з дапамогай рассылкі тэкставых паведамленняў у мессенджарах ў рускамоўным сегменце Інтэрнэту (Viber, Whats’App) распаўсюджаны рэкамендацыі па бяспечных паводзінах іх дзяцей у глабальнай павуціне. Акрамя мерапрыеммстваў у рамках Тыдня на працягу навучальнага года ў класах праходзяць пяціхвілінкі бяспекі, заняткі ў педагога-арганізатра, і сацыяльнага педагога.

Усе праведзеныя мерапрыемствы яшчэ раз паведамілі школьнікам пра бяспеку ў Інтэрнэце, правілы паводзінаў у сацыяльных сетках.