Юлія АЛЕЙНІК, загадчык ясляў-садка №2 райцэнтра:
– Зараз актыўна абмяркоўваюцца Асноўныя палажэнні праекта Праграмы сацыяльна-эканамічнага развіцця Беларусі на будучую пяцігодку, якія будуць агучаны падчас VI Усебеларускага народнага сходу.
Для мяне, як педагога з 22-гадовым стажам работы, важна, што ў праекце далейшага развіцця дзяржавы значная ўвага надаецца павышэнню якасці адукацыі, бо за годным выхаваннем падрастаючага пакалення – будучае краіны, народа. Таму нядзіўна, што ў ліку дэлегатаў народнага форуму шмат педагогаў, якія прысвячаюць сваё жыццё дзецям, дзеляцца з імі ведамі, назапашаным вопытам.
На сённяшні дзень у нашым раёне дзейнічаюць 14 устаноў адукацыі, у якіх займаюцца дзеці дашкольнага ўзросту, 3 з іх – у райцэнтры. Іх наведвае 661 дзіцяці ва ўзросце ад 2 да 6 год. 86% малышоў раёна атрымліваюць дашкольную адукацыю.
У нашых дзіцячых яслях-садку займаюцца 104 хлопчыкі і дзяўчынкі. Пералік адукацыйных абласцей разнастайны: фізічная культура, дзіцяці ва ўзаемадзеянні з грамадствам і прыродай, развіццё мовы і культуры маўленчых зносін, падрыхтоўка да вывучання граматы, выяўленчае і музыкальнае мастацтва, мастацкая літаратура і інш.
На мой погляд, адукацыйнаму працэсу важна надаваць найвялікшае значэнне, бо ў сценах дзіцячых садкоў, школ і іншых навучальных устаноў раскрываюцца і развіваюцца здольнасці нашых дзяцей, фарміруюцца іх характары і перакананні. Таму важна, што дзейнасць дзяржавы ў галіне адукацыі будзе накіравана на раскрыццё і ўдасканаленне асобаснага патэнцыялу падрастаючага пакалення. Плануецца, што развіццё дашкольнай адукацыі будзе арыентавана на прадастаўленне даступных і высокаякасных паслуг з улікам узроставых і індывідуальных асаблівасцей дзіцяці, а не толькі як этап падрыхтоўкі да школы. Дзяржава нацэлена захаваць 100-працэнтны ахоп дзяцей пяцігадовага ўзросту падрыхтоўкай да паспяховага навучання на першай прыступцы агульнай сярэдняй адукацыі.
Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».
Загрузка ...
