Урачыстае мерапрыемства па падвядзенні вынікаў работы галін народнай гаспадаркі Кіраўскага раёна за 2020 год “Жизнь на земле венчает труд” адбылося сёння ў раённым Доме культуры.

Гэтае традыцыйнае свята – магчымасць яшчэ раз выказаць словы ўдзячнасці ветэранам і перадавікам вытворчасці, іх маладой змене, усім, хто ўносіць свой важкі ўклад у працвітанне роднага краю і нашай любімай Рэспублікі Беларусь.

На свята да кіраўчан прыехалі госці: дэпутат Палаты прадстаўнікоў Нацыянальнага сходу Рэспублікі Беларусь Уладзімір Гацко, начальнік галоўнага ўпраўлення па ахове здароўя Магілёўскага аблвыканкама Аляксандр Старавойтаў, дырэктар РУП “Беларуснафта-Магілёўаблнафтапрадукт” Аляксандр Несцераў, дэлегацыя ААТ “Упраўляючая кампанія холдынга “Бабруйскаграмаш” на чале з генеральным дырэктарам Надзеяй Лазарэвіч, прадстаўнікі ААТ “Упраўляючая кампанія холдынга “Магілёўская малочная кампанія “Бабушкина крынка”, ААТ “Бабруйскі мясакамбінат”, Быхаўскага, Бабруйскага і Горацкага раёнаў.

Вынікі мінулага працоўнага года, у якім было нямала поспехаў і перамог, адзначыў у сваім выступленні старшыня райвыканкама Міхаіл Гулы, а таксама акрэсліў задачы на год бягучы і перспектыву.

Адбылася цырымонія ўзнагароджвання па выніках спаборніцтва сярод галін народнай гаспадаркі раёна за 2020 год.

На плошчы імя Кірава горада працавалі маляўнічыя падвор’і сельгасарганізацый, у раённым Доме культуры – выставы-дэгустацыі, выставы дэкаратыўна-прыкладнога мастацтва.

Фота Аляксандра ХАХЛОВА і Максіма МІКЕШЫНА.

Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».