Шчасце – калі займацца любімай справай

Шчасце – калі займацца любімай справай

Святлана Мацвеенка – галоўны бухгалтар ААТ “Кіраўскае райаграпрамтэхзабеспячэнне” – у прафесіі больш за 36 год. Васемнаццацігадовай дзяўчынай прыехала яна па размеркаванні ў Кіраўскі раён пасля заканчэння Столінскага сельскагаспадарчага тэхнікума, як меркавала, на час абавязковай адпрацоўкі … а засталася на ўсё жыццё, знайшоўшы для сябе і любімую работу, і сямейнае шчасце, і яшчэ адну малую радзіму – дарагую і мілую сэрцу Кіраўшчыну. Хаця ў памяці жывуць успаміны з дзяцінства, якое прайшло на Століншчыне, дзе і зараз засталіся сваякі, дачка з сям’ёй.

Напрыканцы снежня мінулага года Святлана Уладзіміраўна прымала шматлікія віншаванні з юбілейным днём нараджэння: ад кіраўніцтва райсельгасхарчу, шматлікіх цяперашніх і былых калег па рабоце, сяброў і знаёмых. Яе шматгадовая добрасумленная праца, узорнае выкананне працоўных абавязкаў былі адзначаны Ганаровай граматай райвыканкама. Кіраўніцтва ўпраўлення па сельскай гаспадарцы і харчаванні райвыканкама ўручыла Святлане Мацвеенка Грамату за шматгадовую плённую бездакорную працу ў сістэме АПК.
Святлана Мацвеенка і дагэтуль памятае, як 1 жніўня 1984 года пераступіла парог канторы тагачаснага калгаса імя Калініна, узначальваў які Васіль Кірылавіч Дзятлаў. Маладога спецыяліста сустрэлі добра, выдзелілі куратара-настаўніка. Жанчына і дагэтуль з удзячнасцю ўспамінае вопытнага бухгалтара Наталлю Слабейка, якая ўзяла шэфства над ёй, шмат чаму навучыла, падзялілася сваім багатым вопытам і ведамі.
Літаральна за месяц да заканчэння тэрміну абавязковай адпрацоўкі Святлана выйшла замуж і засталася жыць і працаваць у Барчыцах. За час работы ад бухгалтара па разліках яна “вырасла” да галоўнага бухгалтара, кантралявала ўвесь фінансавы працэс дзейнасці сельгасарганізацыі. Першая ў раёне ўкараняла новы на той час тыпавы праграмны комплекс аўтаматызацыі бухгалтарскай і вытворчай справаздачы сельгасарганізацыі “Ніва СГП”: на базе гаспадаркі нават быў наладжаны абласны семінар-вучоба, дзе Святлана Уладзіміраўна дзялілася з калегамі сваімі напрацоўкамі, дэманстравала новыя падыходы ў рабоце.
Па словах Святланы Мац­веенка, сёння бухгалтар з камп’ютарам павінен быць на “ты”. З укараненнем новых тэхналогій работнікам бухгалтэрыі стала лягчэй: з’явілася магчымасць ўсё рабіць больш якасна і аператыўна.
Працуючы амаль чатыры дзесяцігоддзі бухгалтарам, яна сама не перастае вучыцца чамусьці новаму, цікавіцца напрацоўкамі. А калі з просьбай аб дапамозе звяртаюцца да яе калегі, асабліва маладыя, нікому не адмаўляе, бо памятае з уласнага вопыту, што пачынаць заўсёды няпроста, і вельмі цудоўна, калі ёсць каму падказаць і параіць.
Летась Святлана Уладзі­міраўна перайшла на працу ў ААТ “Кіраўскае рай­аграпрамтэхзабеспячэнне”. Кіраўніцтва задаволена яе высокапрафесійным узроўнем ведаў і кампетэнтнасцю, вопытам і акуратнасцю.
Усё сваё працоўнае жыццё Святлана Мацвеенка імкнецца ставіцца да справы добрасумленна і адказна. Таму за гады работы атрымала нямала Ганаровых грамат і падзяк, на працягу 5 год была прызнана “Лепшай па прафесіі” ў штогадовым раённым спаборніцтве.
Сябе жанчына лічыць шчаслівым чалавекам: ёсць любімая работа, якой прысвечана шмат год, павага сярод калег, цудоўныя дзеці і самыя лепшыя і пя­шчотныя ўнукі. Самае галоўнае, азіраючыся на мінулыя гады, Святлане Уладзіміраўне нічога не хочацца мяняць, а значыць – гэта яе лёс і правільна абраны жыццёвы шлях…
Людміла СЯМЁНАВА.
Фота аўтара.

Последние новости

Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024