Ганаровай граматай райвыканкама ўзнагароджана галоўны эканаміст ААТ “Дабаснянскае” Марыя Пузевіч
Да прафесійнага свята – Дня эканаміста – галоўны эканаміст ААТ “Дабаснянскае” Марыя Пузевіч адзначана Ганаровай граматай райвыканкама. Гэтая ўзнагарода – вынік шматгадовай карпатлівай, адказнай і напружанай работы Марыі Канстанцінаўны на займаемай ёю пасадзе. Абавязкі галоўнага эканаміста ў гэтай сельгасарганізацыі яна выконвае з 1990 года.
Азы прафесіі атрымала ў Беларускай палітэхнічнай акадэміі падчас навучання па спецыяльнасці “эканоміка і ўпраўленне прамысловай вытворчасці”.
Кіраўніцтва ААТ “Дабаснянскае” адгукаецца аб Марыі Пузевіч як аб супрацоўніку, які добрасумленна ставіцца да работы, імкнецца ўдасканальвацца і развівацца ў прафесіі. Любыя даручэнні Марыя Канстанцінаўна выконвае якасна і ў тэрмін. З членамі калектыву – ветлівая і тактоўная, добразычлівая і прыстойная, карыстаецца заслужаным аўтарытэтам. Гэтыя і іншыя дзелавыя і чалавечыя якасці сталі падставай для таго, што ў раённым спаборніцтве сярод работнікаў вядучых прафесій арганізацый раёна “Лепшы па прафесіі” яна прызнавалася лепшым эканамістам.
Шмат працоўных дасягненняў у прафесійнай скарбонцы Марыі Пузевіч. Аднак асноўнай узнагародай за сваю добрасумленную працу яна лічыць павагу кіраўніцтва і калег, давер, які яны ёй аказваюць.
Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».