Служба дні і ночы… Уладзімір Караткевіч стаяў ля вытокаў станаўлення дзяржаўтаінспекцыі на Кіраўшчыне

Служба дні і ночы… Уладзімір Караткевіч стаяў ля вытокаў станаўлення дзяржаўтаінспекцыі на Кіраўшчыне

 

Прафесійная біяграфія Уладзіміра Караткевіча (на здымку справа, злева – Валерый Шахуноў) была цесна пераплецена з гісторыяй службы дзяржаўтаінспекцыі ў нашым раёне. Менавіта ён стаяў ля вытокаў яе станаўлення, быў першым у раёне дзяржаўтаінспектарам. У чэрвені бягучага года Уладзімір Канстанцінавіч справіў бы сваё 80-годдзе, аднак у 2017 годзе ён пайшоў з жыцця, пакінуўшы пасля сябе ў многіх, з кім яму давялося працаваць, добрую памяць.
Напярэдадні адметнай даты ўспамінамі аб жыццёвым і прафесійным шляху першага дзяржаўтаінспектара раёна падзялілася яго жонка Ларыса Уладзіміраўна.
Уладзімір Караткевіч нарадзіўся 17 чэрвеня 1941 года, за некалькі дзён да пачатку Вялікай Айчыннай вайны, у сям’і афіцэра Чырвонай Арміі. На жаль, камандзір роты танкістаў Канстанцін Караткевіч з вайны не вярнуўся – загінуў у адным з жорсткіх баёў пад Старой Русай, дзе ў брацкай магіле знайшоў свой апошні спачынак.
Родныя браты бацькі – Георгій і Іван – таксама служылі Айчыне – былі лётчыкамі. Магчыма, гэтыя факты біяграфіі і падштурхнулі Уладзіміра звязаць свой лёс з кар’ерай афіцэра.
У 1965 годзе пасля заканчэння з адзнакай партыйнай школы і Мінскай сярэдняй спецыяльнай школы міліцыі імя Фрунзе ён быў накіраваны на Кіраўшчыну, у райаддзел міліцыі, дзе толькі ўвялі новую пасаду – старшага дзяржаўтаінспектара. Пазней скончыў яшчэ Вышэйшую школу міліцыі.
Ларыса Караткевіч успамінае: “З Уладзімірам Канстанцінавічам мы пазнаёміліся ў Слаўгарадзе. Там жыла яго сям’я, а я прыехала працаваць па размеркаванні – педагогам у мясцовую школу-інтэрнат. У 1965 годзе пажаніліся, якраз яго накіравалі на работу ў Кіраўск. Я, вядома ж, паехала за мужам. Так мы сталі кіраўчанамі. Тут нарадзіліся нашы пяцёра сыноў – Канстанцін, Аляксандр, двайняты Уладзімір і Валянцін, малодшы Дзмітрый, які пайшоў па слядах бацькі – служыць у органах унутраных спраў. Я працаўладкавалася настаўніцай пачатковых класаў у СШ №2 імя К.П.Арлоўскага. Прысвяціла педагагічнай працы ў гэтай установе навучання 40 год. Уладзімір Канстанцінавіч стаў на варту парадку на дарогах Кіраўшчыны, шчыраваў да самага выхаду на заслужаны адпачынак у 1987 годзе ў званні капітана міліцыі. Усё сваё свядомае жыццё ён прысвяціў дзейнасці ў органах унутраных спраў, як гаворыцца, нёс службу дні і ночы, душой хварэў за тое, каб на дарогах раёна панаваў парадак, каб менш людзей станавіліся ахвярамі дарожна-транспартных здарэнняў, служыў сумленна, з адказнасцю, на карысць грамадству. За добрасумленнае выкананне службовых абавязкаў ён узнагароджаны медалямі “За бездакорную службу” II і III ступеней, нагрудным знакам “Выдатнік міліцыі”. Гэтыя і іншыя ўзнагароды, фотаздымкі захоўваюцца ў нашай сям’і як памяць і даніна павагі да яго”.
Ларыса Уладзіміраўна прыгадала, што службовым транспартам дзяржаўтаінспектара Караткевіча быў матацыкл “Днепр” мадэлі К-750, на якім яму давялося аб’язджаць увесь раён.
Працоўны дзень распачынаўся ў 5 гадзін раніцы – варта было праверыць вадзіцеляў мясцовай аўтабазы перад выпускам аўтатранспарту на лінію. Акрамя гэтага ў яго абавязкі ўваходзіла штогод праводзіць тэхагляд тэхнікі ўсіх арганізацый і прадпрыемстваў раёна, прыватных аўтамабіляў і матацыклаў. Дзяржаўтаіспектар быў нязменным суправаджаючым удзельнікаў рабочых семінараў і паездак, спаборніцтваў па велагонках, акрамя таго ў яго абавязкі ўваходзілі назіранне за падрыхтоўкай будучых шафёраў, улік аўтатранспарту, вёў тэматычную калонку ў раённай газеце “Кіравец”, удзельнічаў у рэйдах, і гэта ўсё паралельна з асноўнай місіяй – барацьба з правапарушальнікамі на дарогах і прафілактыка аварый.
У першыя гады ўсе гэтыя і іншыя абавязкі Уладзімір Канстанцінавіч выконваў самастойна, затым штат ДАІ РАУС паступова папаўнялі Іван Шчэрбіч, Дзмітрый Салановіч, Міхаіл Курыла, Мікалай Кухарэнка, Васіль Акуліч, Мікалай Міронаў і іншыя.
З цягам часу служба ў АДАІ РАУС значна змянілася, аднак па-ранейшаму асноўныя сілы накіраваны на выкананне галоўнай задачы – папярэджванне ДТЗ і захаванне жыцця і здароўя ўдзельнікаў дарожнага руху. Пакінутыя ў спадчыну вопыт і напрацоўкі былых дзярж­аўтаінспектараў, у тым ліку перешага з іх – Уладзіміра Караткевіча – унеслі неацэнны ўклад у яе развіццё.
Яўгенія БЯЛЬКО.
Фотаздымак – з сямейнага архіва Л.КАРАТКЕВІЧ.

 

Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».

Последние новости

Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024