Многаму вучымся ў бацькоў

На чарговым пасяджэнні дыскусійнага клуба “Мы і час”, наладжанага работнікамі культуры для дзяцей і падлеткаў з асацыяльнымі паводзінамі, ішла размова аб здаровым ладзе жыцця, узнімаліся хвалюючыя і рабят, і дарослых праблемы. Удзел у дыскусіі прынялі таксама работнікі аддзела адукацыі, райбальніцы, пракуратуры, раённага аддзела ўнутраных спраў, прадстаўнікі райвыканкама, бацькі.
У ходзе дыскусіі дарослыя імкнуліся дапамагчы рабятам зразумець, што дрэнны ўчынак —не спосаб даказаць сваю правату, давалі слушныя парады, як можна засцерагчы сябе ад згубных спакусаў. Часу на развагі няма: дзеці хутка сталеюць і неўзабаве самі будуць бацькамі. Таму з дзяцінства трэба вучыцца вызначаць, што — добра, а што — дрэнна, і памятаць, што памыліцца ў жыцці можа кожны, галоўнае — знайсці ў сабе сілы прызнаць гэтыя памылкі і імкнуцца выправіць іх.
Падчас пасяджэння абмяркоўваліся розныя жыццёвыя сітуацыі, рабяты самі давалі ацэнку дрэнным учынкам, шукалі адказ на пытанне, як зрабіць правільны выбар. У якасці альтэрнатывы бяздзеянню і шкодным звычкам падлеткам былі прапанаваны заняткі па інтарэсах ва ўстановах адукацыі і культуры.
Уключыліся ў дыскусію і госці з Магілёва, супрацоўнікі абласнога метадычнага цэнтра народнай творчасці і культасветработы. Дарэчы, яны далі добрую ацэнку рабоце, якая праводзіцца культработнікамі з моладдзю, цяжкімі падлеткамі.
Да пачатку дыскусіі рабяты запоўнілі анкету “Што для вас азначае здаровы лад жыцця”. З адказаў на прапанаваныя пытанні стала зразумела, што львіная доля віны за няправільныя паводзіны дзяцей і падлеткаў ляжыць на нас, дарослых. Напрыклад, толькі 3 рэспандэнты з 20-ці на пытанне “Як часта ў вашай сям’і абмяркоўваюцца пытанні аб стане здароўя, фарміраванні здаровага ладу жыцця?” адказалі, што часта. Затое ўсе апытаныя, акрамя аднаго, лічаць, што неабходна праводзіць інфармацыйна-адукацыйную работу, накіраваную на фарміраванне ведаў аб здаровым ладзе жыцця.
Відавочна, са сваіх бацькоў у першую чаргу, а таксама з іншых дарослых, якія часта знаходзяцца побач, дзеці бяруць прыклад. А яшчэ, паважаныя дарослыя, яны чакаюць ад нас дапамогі і падтрымкі.
Вось некаторыя адказы ўдзельнікаў дыскусійнага клуба на пытанні “Хто для вас з’яўляецца прыкладам у жыцці і як вы бавіце свой вольны час?”:
— Больш за ўсё прыклад бяру са сваіх бацькоў. У вольны ад вучобы час займаюся футболам і веласпортам.
— Хацелася б, каб прыкладам у жыцці былі бацькі. Я і вучуся ў іх многаму, але раблю не зусім так, як яны. Яшчэ прыкладам для мяне служаць настаўнікі, кіраўнікі гурткоў. Я наведваю гурток юных інспектараў дарожнага руху ў школе, картынгу — у Цэнтры пазашкольнай работы.
— У першую чаргу, я бяру прыклад са сваіх бацькоў, але бываюць выпадкі, калі не згодзен з імі, нават папраўляю іх. Яшчэ ў мяне ёсць старэйшы брат, які таксама з’яўляецца прыкладам для мяне. І наогул, я аналізую ўчынкі блізкіх мне людзей і стараюся пераймаць толькі станоўчыя прыклады. Люблю спорт. Займаюся футболам, настольным тэнісам, баскетболам, стральбой. Хацелася б, каб у школе часцей праводзіліся турніры па розных відах спорту.
— Рэдка, але бяру прыклад з маці, сястры, бабулі. Люблю забаўляльныя і спартыўныя гульні, але не атрымліваецца займацца ў гуртках пастаянна, а вельмі хацелася б…
Галіна РУСЕЦКАЯ.

Последние новости

Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024