Акцыя пад такой назвай, аб’яўленая ААН, праходзіла 31 кастрычніка 2011 года. Сямімільярдным жыхаром планеты па версіі Арганізацыі Аб’яднаных Нацый стаў хлопчык Пеця з Калінінграда.
Наша краіна ў сваю чаргу вырашыла раздаць памятныя сертыфікаты сямімільярднага жыхара Зямлі ўсім дзецям, якія нарадзіліся ў Беларусі 31 кастрычніка. У Магілёўскай вобласці ў гэты дзень з’явілася на свет 26 малышоў.
І менавіта ў гэты дзень у кіраўчанкі Маі Вакір нарадзіўся хлопчык, які стаў чацвёртым дзіцём у яе сям’і. З гэтай нагоды мнагадзетную маці павіншавала начальнік упраўлення па працы, занятасці і сацыяльнай абароне райвыканкама Н.В.Святецкая, шчаслівай маці былі ўручаны імянны сертыфікат, кветкі і каштоўны падарунак ад грамадскага аб’яднання «Беларускі Фонд міру».

Пад такой назвай 31 кастрычніка бягучага года ў адпаведнасці з рэкамендацыямі ААН і мяркуемым нараджэннем сямімільярднага жыхара планеты Міністэрствам працы і сацыльнай абароны Рэспублікі Беларусь была праведзена спецыяльная акцыя.
Яе мэтай ставілася прыцягнуць увагу жыхароў, шырокага кола грамадскасці, сродкаў масавай інфармацыі да важнасці дэмагарафічных праблем у краіне і свеце.
Мяркуецца, што жанчыны, якія нарадзілі дзяцей 31 кастрычніка, атрымаюць імянныя сертыфікаты і падарункі.
Праводзілася акцыя з удзелам устаноў аховы здароўя, кіраўнікоў прафсаюзных арганізацый, членамі якіх з’яўляюцца бацькі нованароджаных, кіраўнікоў каардынацыйных саветаў грамадскіх аб’яднанняў “Фонд міру”, “Чырвоны Крыж”, “Белая Русь”, дабрачынных арганізацый.