Энергазберажэнне як лад жыцця

Энергазберажэнне  як лад жыцця

Стала добрай традыцыяй ва ўстановах адукацыі на раённым, абласным і рэспубліканскім узроўнях праводзіць конкурс «Энергамарафон». Наш раён — не выключэнне. У пачатку студзеня на базе СШ№1 прайшоў раённы этап рэспубліканскага конкурсу школьных праектаў па эканоміі і беражлівасці “Энергамарафон” па пяці намінацыях. Удзел у ім прынялі прадстаўнікі ўсіх устаноў агульнай сярэдняй адукацыі. Самай шматлікай на конкурсе была дэлегацыя Любоніцкай СШ, яна ж мела ў сваім саставе і самага малодшага ўдзельніка — трэцякласніцу Таццяну Салановіч.
На здымку: Мікалай Казакоў, настаўнік фізікі Скрыпліцкай СШ, стаў пераможцам у намінацыі “Лепшы педагог па арганізацыі работы па выхаванні культуры энергазберажэння ў вучняў”.

Падзяліцца шэрагам метадаў па рэалізацыі праграмы энергазберажэння ва ўстановах адукацыі, дамах, дзе жывем, сабраліся настаўнікі фізікі, геаграфіі, пачатковых класаў, вучні школ, якія на конкурсе выступалі на роўных. Усяго прагучала 19 выступленняў.
Мэтай конкурсу ставілася фарміраванне ў падрастаючага пакалення беражлівага і эканомнага стаўлення да энергарэсурсаў і навакольнага асяроддзя; выяўленне і распаўсюджванне перадавога вопыту работы педагогаў па арганізацыі адукацыйнага працэсу ў галіне энергазберажэння, а яе дасягненне ажыццяўлялася праз вырашэнне такіх задач, як прапаганда метадаў эканоміі энергарэсурсаў; актывізацыя доследнай дзейнасці вучняў у галіне энергазберажэння; стымуляванне творчай дзейнасці педагогаў па выхаванні культуры энергазберажэння; прыцягненне ўвагі грамадскасці да праблем энергазберажэння.
Вынікі конкурсу ацэньвала журы з ліку інжынерна-тэхнічнага персаналу і метадыстаў аддзела адукацыі райвыканкама, настаўнікаў-прадметнікаў.
Прадстаўленыя на конкурс творчыя праекты сведчылі аб укараненні ў работу ўстаноў адукацыі ідэй і метадаў энергазберажэння, актыўнай прапагандзе эканоміі энергарэсурсаў, творчай дзейнасці педагогаў па выхаванні культуры энергазберажэння.
Ва ўсім свеце энергетычная бяспека лічыцца адным з важнейшых складаемых нацыянальнай бяспекі краіны. У Беларусі аб’ём уласных паліўна-энергетычных рэсурсаў невялікі (каля 17%). Рэспубліка вельмі залежыць ад паставак энергарэсурсаў з Расіі (83% спажывання), пры гэтым значная доля —81 % спажывання прыпадае на прыродны газ.
У краіне праводзіцца планавая мадэрнізацыя электраэнергетычнай галіны з выкарыстаннем альтэрнатыўных крыніц і схем транспартыроўкі вуглевадароднай сыравіны. Пачата стварэнне інжынернай і сацыяльнай структуры для будаўніцтва Астравецкай атамнай электрастанцыі, першы блок якой мяркуецца ўвесці ў строй дзеючых у 2017 годзе, другі — у 2018 годзе. Паўсюдна ўпор робіцца на выкарыстанне ўласных рэсурсаў і развіццё нетрадыцыйных крыніц энергіі. Так, Беларусь мае значныя запасы торфу, а ў якасці аднаўляемых крыніц энергіі разглядваюцца дровы і адходы лясной і дрэваперапрацоўчай прамысловасці, гідра- і геатэрмальныя рэсурсы, ветраэнергетычны патэнцыял, сонечная энергія, біягаз з адходаў жывёлагадоўлі, фітамаса, цвёрдыя бытавыя адходы. Напрыклад, біягазавая ўстаноўка зараз узводзіцца ў СВК «Рассвет» імя К.П. Арлоўскага. Энергія паступіць у Бабруйскія электрасеткі і будзе выкарыстана для патрэб гаспадаркі і раёна. Плануемая магутнасць — 4,8 МВт.
У цяпершні час затратныя свяцільні паўсюдна замяняюцца на сучасную энергазберагальную святлотэхніку. Урадам рэспублікі прынята рашэнне аб паэтапным павелічэнні аб’ёмаў будаўніцтва энергаэфектыўнага жылля.
Галоўная выснова, прагучаўшая на конкурсе, што мы — гаспадары сваёй краіны і павінны беражліва і эканомна выкарыстоўваць тое, што дае прырода. Энергазберажэнне павінна стаць ладам жыцця кожнага чалавека.
Рашэннем журы пераможцамі ў намінацыі “Лепшы педагог па арганізацыі работы па выхаванні культуры энергазберажэння ў вучняў” прызнаны і ўзнагароджаны дыпломамі: I ступені — Таццяна Бараноўская, настаўніца фізікі Дабаснянскай СШ; Мікалай Казакоў, настаўнік фізікі Скрыпліцкай СШ; II ступені — Валянціна Куляшова, настаўніца пачатковых класаў Чыгірынскай СШ; Наталля Русак, настаўніца фізікі Мышкавіцкай СШ; III ступені — Лілія Лапіцкая, настаўніца геаграфіі СШ№1; Марат Лось, настаўнік фізікі Пацава-Слабадскога НПК ДСБШ; Анатоль Рышкевіч, настаўнік фізікі Барчыцкага НПК ДССШ.
Пераможцамі ў намінацыі “Лепшы вучнёўскі праект практычных мерапрыемстваў па энергазберажэнні” прызнаны і ўзнагароджаны падарункамі і дыпломамі: I ступені — Андрэй Шакараў і Антон Іваніцкі, вучні 8 «А» класа гімназіі г. Кіраўска (кіраўнік Марына Карніцкая); II ступені — сямікласнік Сцяпан Навіцкі і васьмікласнік Мікіта Грынфельд з Шалаёўскага НПК ДССШ (кіраўнік Анжаліка Варанчукова); III ступені — Сафіко Гагохія, вучаніца 7 класа Дабаснянскай СШ (кіраўнік Таццяна Бараноўская).
У намінацыі “Лепшая творчая работа вучняў па прапагандзе эфектыўнага выкарыстання энергарэсурсаў” пераможцамі прызнаны і ўзнагароджаны падарункамі і дыпломамі: I ступені — Яўген Акуневіч, вучань 10 класа Баравіцкай СШ (кіраўнік Кацярына Драздова); II ступені — Кірыл Іваноў, вучань 10 класа Жыліцкай СШ (кіраўнік Святлана Лапянок); III ступені — чацвёртакласніца Ганна Бацян і пяцікласніца Кацярына Ганчарова з СШ№1(кіраўнік Таццяна Ярашэвіч); Анастасія Акуліч, вучаніца 8 класа Стаўпіцкай БШ (кіраўнік Святлана Калінічэнка).
Пераможцамі ў намінацыі “Лепшы практычны цэнтр па энергазберажэнні” прызнаны і ўзнагароджаны дыпломамі: I ступені — Аляксандр Лазаковіч і Таццяна Мелех, вучні 6 класа Любоніцкай СШ; II ступені — трэцякласніца гэтай жа школы Таццяна Салановіч (кіраўнік Вера Баярская).
Работы, заняўшыя на конкурсе I і II месцы, будуць прадстаўлены на абласным этапе рэспубліканскага конкурсу школьных праектаў па эканоміі і беражлівасці «Энергамарафон».
Святлана КАРАЛЁВА,
метадыст
аддзела адукацыі
райвыканкама.

Последние новости

Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024