Агонь дзецям — не сябар!

З пачатку бягучага года ў рэспубліцы 13 дзяцей сталі ахвярамі агню, 6 з іх — у Магілёўскай вобласці. Гэта не проста сухія лічбы статыстыкі, а не пражытыя жыцці маленькіх грамадзян, якія маглі б радавацца кожнаму новаму дню, падарункам, Дзеду Марозу, верыць у цуды, планаваць сваё будучае, ствараць сем’і і проста жыць…
Паважаныя бацькі! Зрабіце ўсё магчымае для таго, каб не паўтарыць страшных агнявых трагедый. Паклапаціцеся аб сваіх дзецях. Штодзень паўтарайце з імі асноўныя правілы бяспекі. Растлумачце, што гульні з агнём могуць прывесці да трагічных вынікаў. І яшчэ: перш чым патрабаваць ад сына ці дачкі выкананне правілаў бяспекі, падумайце, ці заўсёды вы выконваеце іх самі. Ваш асабісты прыклад абавязкова адгукнецца на паводзінах дзіцяці, а значыць, і на яго бяспецы. І памятайце, што пакідаючы малалетніх дзяцей без нагляду на хвіліну, вы рызыкуеце страціць іх назаўсёды.
Бацькі! Вы падарылі дзецям жыццё, не пазбаўляйце іх права на будучае!
Дзмітрый РОШЧЫН, начальнік РАНС.

Добавить комментарий

Ваш адрес email не будет опубликован.