На базе Паўлавіцкай СШ прайшлі раённыя спаборніцтвы “Снежны снайпер” у праграме раённай круглагадовай Спартакіяды школьнікаў. Па дзве каманды страляючых лыжнікаў прадаставілі 11 школ раёна.
У асабістым першынстве пераможцы вызначаліся па суме выступленняў у двух відах — стральбе і лыжных гонках. У старэйшай групе сярод дзяўчат два першыя месцы — на рахунку спарсменак з Паўлавіцкай школы Галіны Аляксеевай і Крысціны Гайдук адпаведна. Трэці рэзультат паказала Аксана Салаўёва з Мышкавіцкай СШ. Сярод малодшых дзяўчынак зноў-такі першынствавала прадстаўніца з Паўлавіч — Ангеліна Жардзецкая. Другі вынік паказала Кацярына Шаболда з Чыгірынскай школы, замкнула тройку прызёраў Марыя Лугіна з Жыліч.
Сярод юнакоў старэйшага ўзросту дзве прыступкі п’едэсталу гонару заваявалі страляючыя лыжнікі з СШ №1: першае месца — на рахунку Мікалая Говара, трэцяе — у Аляксандра Завяршынскага. Генадзь Кірэеў з Паўлавіцкай СШ стаў трэцім. У малодшых хлопцаў перамогу святкаваў Арцём Палыш з Паўлавіч. Другое і трэцяе месцы — зноў у прадстаўнікоў СШ №1— Ула-дзіслава Шата і Рамана Шэха.
Як бачна з асабістых рэзультатаў, галоўную канкурэнцыю склалі прадстаўнікі Паўлавіцкай школы і СШ №1. Гаспадары ў гэтай дуэлі аказаліся вышэй за апанентаў і ў стрэйшай, і ў малодшай групах. Гараджанам у абедзвюх узроставых групах дасталося “срэбра”. Трэцяе месца ў старэйшай групе заняла каманда Мышкавіцкай СШ, а ў малодшай — гімназіі горада.
Канстанцін ЛЕПІН,
метадыст раённага аддзела адукацыі.