Пажар у Мазураўцы
19 сакавіка ў 12.26 гадзін на цэнтр аператыўнага ўпраўлення райаддзела па надзвычайных сітуацыях ад дзяжурнага РАУС паступіла паведамленне аб узгаранні прыватнага домаўладання ў в.Мазураўка Баравіцкага сельсавета.
Па прыбыцці на месца здарэння першага падраздзялення выратавальнікаў у 12.41 гадзіну дом гарэў адкрытым полымем. Узгаранне было лакалізавана і ліквідавана праз 8 мінут. У выніку пажара знішчаны сенцы, прыбудаваныя да дома, дах пабудоў, перакрыццё і маёмасць, пашкоджаны сцены ў хаце.
Прычына ўзгарання ўстанаўліваецца.

Агонь пазбавіў жыцця
У мінулую пятніцу, 22 сакавіка, у 17.54 гадзіны ў РАНС паступіла паведамленне аб пажары ў прыватным жылым доме ў в.Курганы Любоніцкага сельсавета. Аб узгаранні патэлефанавала суседка.
Першая брыгада байцоў пажарна-выратавальнай службы прыбыла на месца здарэння ў 18.12 гадзін. Дом гарэў адкрытым полымем. З-за моцнага ветру існавала верагоднасць распаўсюджвання агню на суседнія будынкі.
Па словах гаспадыні домаўладання, у палаючым доме мог знаходзіцца чалавек. У выніку вышукова-выратавальных работ у 21.29 гадзіну ў пакоі ля ложка быў знойдзены труп сына гаспадыні, 1957 года нараджэння, інваліда 2-й групы (па зроку). Пошук загінуўшага ўскладніўся высокай тэмпературай, шчыльным задымленнем, абваліўшыміся элементамі перакрыцця.
Агонь знішчыў дах домаўладання па ўсёй плошчы, перакрыцце, маёмасць у доме. Папярэдняя прычына агнявой трагедыі — неасцярожнае абыходжанне з агнём пры курэнні.
Аляксандр ЖУРАЎСКІ, інспектар ІДПН РАНС.