У Беларусі праходзіць вылучэнне кандыдатаў у дэпутаты мясцовых Саветаў дэпутатаў дваццаць сёмага склікання, якое стартавала 12 студзеня і прадоўжыцца да 10 лютага ўключна.
Згодна выбарчага заканадаўства, вылучаць кандыдатаў у дэпутаты мясцовых Саветаў маюць права палітычныя партыі, працоўныя калектывы, грамадзяне шляхам збору подпісаў.
У нашым раёне зарэгістравана 37 ініцыятыўных груп па збору подпісаў у падтрымку мяркуемых кандыдатаў у дэпутаты абласнога і раённага Саветаў дэпутатаў, 95 ініцыятыўных груп — у падтрымку мяркуемых кандыдатаў у дэпутаты сельскіх Саветаў дэпутатаў.
Паралельна праходзіць вылучэнне прадстаўнікоў у састаў участковых выбарчых камісій па выбарах у мясцовыя Саветы дэпутатаў Рэспублікі Беларусь.
Рэгістрацыя кандыдатаў у дэпутаты выбарчымі камісіямі пройдзе з 11 па 20 лютага бягучага года.
На 3-й стар. гэтага нумара раённай газеты надрукавана рашэнне райвыканкама «Аб утварэнні ўчасткаў для галасавання па выбарах дэпутатаў мясцовых Саветаў дэпутатаў Рэспублікі Беларусь дваццаць сёмага склікання».