Днямі ў раёне пабываў дэпутат Палаты прадстаўнікоў Нацыянальнага сходу Рэспублікі Беларусь Мікалай Калтуноў.
Адзін з пастаянных пунктаў яго наведвання — аддзяленне кругласутачнага знаходжання для грамадзян пажылога ўзросту і інвалідаў у в.Хвай ніца. Падчас гутаркі з яго насельнікамі ён пацікавіўся ўмовамі іх пражывання, адказаў на шэраг пытанняў пажылых людзей.
З прыемнай місіяй наведаўся Мікалаў Калтуноў у раённы цэнтр сацыяльнага абслугоў-вання насельніцтва: у знак удзячнасці за старанную і добрасумленную працу дэпутат падарыў калектыву ноутбук. Адбылася гутарка з работнікамі цэнтра з удзелам начальніка фінансавага аддзела райвыканкама, члена інфармацыйна-прапагандысцкай групы Галіны Шупікавай, па актуальных пытаннях правядзення выбараў у мясцовыя Саветы дэпутатаў. Мікалай Анісімавіч звярнуўся да прысутных з просьбай прыняць актыўны ўдзел у галасаванні.
Яшчэ адным аб’ектам наведвання стала ААТ “Кіраўскія бытпаслугі”. Дэпутат пацікавіўся адбыўшыміся тут зменамі пасля праведзенай мадэрнізацыі вытворчасці.
Пабываў Мікалай Калтуноў і на Кіраўскім участку для галасавання №1, які размешчаны ў раённым Доме культуры (на здымку). У размове са старшынёй участковай выбарчай камісіі Віктарам Ставерам М.А.Калтуноў пацікавіўся колькасцю выбаршчыкаў, якія на гэты дзень скарысталіся сваім правам на датэрміновае галасаванне.
Па словах дэпутата, большая колькасць з кандыдатаў у дэпутаты Кіраўскага раённага Савета дэпутатаў 27 склікання яму добра вядомая па праводзімай ў рэгіёне рабоце. Ён перакананы, што гэтыя людзі ў выпадку абрання дэпутатамі будуць плённа працаваць на карысць развіцця Кіраўскага раёна і паляпшэння ўмоў жыцця сваіх землякоў.