“І залатыя горы збожжа прывецяць з неба журавы…”

“І залатыя горы збожжа  прывецяць з неба журавы…”

omba

Хлебаробы СВК “Бераснёўскі” ААТ “Бабруйскаграмаш” аднымі з першых у раёне распачалі ўборку збожжавых культур. Сёлета ім неабходна без прамаруджвання ўбраць на 362 га азімае жыта, на 260 — трыцікале, на 135 — ячмень, на 87 — авёс. Паралельна шырокім  фронтам у гаспадарцы вядуцца іншыя  сельгасработы: прасуецца салома, а  рулоны звозяцца з палеткаў да месца складзіравання, падкармліваюцца пасевы мінеральнымі ўгнаеннямі. У тым, што сяльчане працуюць  арганізавана, супрацоўнікі “раёнкі” пераканаліся, калі наведаліся ў мінулую пятніцу ў гаспадарку.

На полі каля в.Выжары механізатары ў зладжаным рытме ўбіралі азімы ячмень. Налітыя хлебныя каласы згіналіся да зямлі, яны радавалі вока, а сэрца перапаўнялася гордасцю за людзей, чыя руплівая праца вянчаецца нядрэннымі намалотамі: у сярэднім на круг бераснёўцы атрымліваюць па 35 цэнтнераў (для іх земляў з невысокай бальнасцю гэта добры вынік).

Усе 6 збожжаўборачных камбайнаў плаўна рухаліся па ўчастку, іх бункеры паступова напаўняліся залацістым зернем. За штурваламі машын — добрасумленныя, адказныя працаўнікі, якія добра ведаюць сваю справу і разумеюць важнасць ускладзеных на іх абавязкаў, вядомыя сваім прафесіяналізмам хлебаробы.
Адзін з экіпажаў, за-дзейнічаных на гэтым полі, узначальвае механізатар з 30-гадовым стажам Сяргей Міхалап. Усе сакрэты хлебаробскай справы ён перадае сыну Яўгену, які пайшоў па слядах бацькі. Юнак вучыцца ў ліцэі №15 і трэцяе лета запар працуе побач на жніве.
Разам з камбайнерамі на палях змагаюцца за вырашчаны ўраджай вадзіцелі, якія адвозяць ад камбайнаў намалочанае збожжа. Тут задзейнічана 5 адзінак тэхнікі, у тым ліку 1 – з ААТ “Бабруйскаграмаш”. Усе ва-дзіцелі разумеюць, што ад таго, наколькі хутка яны будуць адвозіць збожжа, залежыць, ці будуць прастойваць у полі камбайны з перапоўненымі бункерамі.
Лідэрам на адвозцы збожжа з’яўляецца Уладзімір Карасёў, які, як падкрэсліў галоўны інжынер гаспадаркі Міхаіл Шапоткін, 8 гадоў працуе на МАЗе. З-за яго ніколі не бывае прастояў уборачнай тэхнікі: давераная яму машына дагледжаная, таму не падводзіць свайго гаспадара. А клопатаў у вадзіцеля хапае: ён не толькі адвозіць збожжа ад камбайнаў, але і пасля дапрацоўкі дастаўляе яго на камбінат хлебапрадуктаў у Бабруйск у кошт выканання дзяржзаказу.
Значную падтрымку вяскоўцам аказваюць работнікі з ААТ “Бабруйск-аграмаш”: кожны год яны са сваёй тэхнікай прыязджаюць у гаспадарку, дапамагаюць земляробам своечасова справіц-ца з сельгасработамі. Яны і адвозяць збожжа, і прасуюць салому, а таксама забяспечылі дзяжурства пажарнай машыны на масавых работах. Значны ўклад шэфаў і ў давядзенні да ладу зернесушыльнай гаспадаркі.
Усе задзейнічаныя на ўборцы працаўнікі забяспечаны двухразовым гарачым харчаваннем, для стымулявання іх плённай працы распрацаваны меры маральнага і матэрыяльнага заахвочвання.
Актыўна ўбіраецца з палёў салома. Скатваць яе ў рулоны даручана вопытнаму механізатару Міхаілу Іванову.
Задаволена кіраўніцтва гаспадаркі таксама работай навучэнцаў Клічаўскага дзяржаўнага агратэхнічнага каледжа Аляксандра Кірылава і Міхаіла Трафімава, якія праходзяць тут вытворчую практыку. Юнакам даверылі прасаваць салому і адвозіць яе да месца складзіравання. Рабяты працуюць старанна, з адказнасцю ставяцца да выканання заданняў, пры гэтым памятаюць, што вырашчанае трэба ўбраць не толькі хутка, але і якасна. А прыклад ім браць ёсць з каго: побач з імі шчыруюць вопытныя механізатары.
—Трэба адзначыць, што ўсе механізатары, вадзіцелі, працаўнікі на зернетаку заслугоўваюць добрых слоў,— адзначае галоўны аграном сельгаспрадпрыемства Васіль Лугаўцоў.— Кожны з іх разумее, што ад яго залежыць канчатковы вынік жніва. На ўсе плошчы пад збожжавыя і зернебабовыя, кукурузу ўнеслі дастатковую колькасць угнаенняў, сяўбу правялі ў аптымальныя тэрміны, якасна — таму чакаем нядрэннага ўраджаю.
Нам давялося праехаць паўз пасевы кукурузы, пад якую ў гаспадарцы занята 350 га. Культура набірае моц, на гэта паўплывала шмат фактараў, сярод якіх своечасовы догляд, выдатныя пагодныя ўмовы. Дзякуючы “каралеве палёў” у гаспадарцы плануюць значна павялічыць кармавыя запасы для грамадскага пагалоўя жывёлы. Дарэчы, тут ужо назапашана 655 т сена, 6,5 тыс. т сенажу, у тым ліку 1817 т у стрэйчплёнку. У пераразліку на кармавыя адзінкі ўжо маецца па 12,6 цнт.
Работа на палетках СВК “Бераснёўскі”спорыцца ў поўным сэнсе гэтага слова. Людзі працуюць з агеньчыкам, з надзеяй на выдатны канчатковы рэзультат. Таму няхай і надалей у іх ладзяцца справы, бо ад зладжанай працы ўсяго калектыву залежыць не толькі стабільнасць сельгаспрадпрыемства, але і дабрабыт усіх земляробаў.
Таццяна БАРАДЗІНА.
Фота
Яўгена ДРАЗДА.

Последние новости

Общество

На вопросы даны компетентные ответы

29 марта 2024
Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

Кировск встречает весну

16 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024