12 кастрычніка — Дзень работнікаў культуры

12 кастрычніка — Дзень работнікаў культуры

ivanovnajpg

Усе святы, знамянальныя даты для работнікаў культуры — гэта працоўныя будні. Дзеля таго, каб даставіць радасць і ўзняць настрой іншым, яны рыхтуюць цікавыя праграмы, пастаянна шліфуюць сваё майстэрства, спяваюць, танцуюць, паказваюць тэатралізаваныя прадстаўленні.
На пярэднім краі ўсіх культурна-масавых мерапрыемстваў — супрацоўнікі РДК, Цэнтра вольнага часу, сельскіх устаноў культуры. Не паспелі адзвінець “Дажынкі-2014”, а ўжо ідзе актыўная падрыхтоўка да святкавання Дня маці.
Шмат гадоў свайго творчага жыцця пры-свяціў педагагічнай працы ў Жыліцкай дзіцячай школе мастацтваў Міхаіл Забелаў. Дзесяткам вучняў ён прывіў любоў да музычнага мастацтва.
Да прафесійнага свята М.Р.Забелаў узнагароджаны Ганаровай граматай галоўнага ўпраўлення ідэалагічнай работы, культуры і па справах моладзі Магілёўскага аблвыканкама.
Напярэдадні Дня работнікаў культуры мы папрасілі начальніка аддзела ідэалагічнай работы, культуры і па справах моладзі райвыканкама Андрэя КАРПУКА расказаць аб асноўных напрамках развіцця галіны культуры ў раёне:
—Дзейнасць устаноў культуры раёна накіравана на захаванне гісторыка-культурнай спадчыны і далейшае развіццё культуры, стварэнне ўмоў для ўсебаковага развіцця жыхароў Кіраўшчыны, росту іх творчай ініцыятывы, духоўных і эстэтычных патрэб.
Значная работа праведзена сёлета ўстановамі бібліятэчнай і клубнай сістэм раёна, дзіцячых школ мастацтваў па падрыхтоўцы і святкаванні знамянальнай даты — 70-годдзя вызвалення Рэспублікі Беларусь ад нямецка-фашысцкіх захопнікаў. Былі наладжаны тэматычныя кніжныя выставы, тэатралізаваныя праграмы, канцэрты, акцыі, творчыя конкурсы і іншыя мерапрыемствы. Напрыклад, да Дня Перамогі культработнікі стварылі экспазіцыю пад адкрытым небам “Сцяна Памяці”, арганізавалі работу кінатэатра пад адкрытым небам “Перамога”. Актыўны ўдзел прынялі ў правядзенні раённай акцыі “За здароўем — на веласіпедзе!”, прысвечанай 70-годдзю вызвалення Беларусі ад нямецка-фашысцкіх захопнікаў, з перадачай па раёне эстафеты Агню Славы і памяці герояў.
Супрацоўнікамі дзяржаўнай установы культуры “Сетка бібліятэк Кіраўскага раёна” сабраны матэрыялы і ў гэтым годзе выдадзена кніга “Легенды Кіраўскага краю”, а таксама падрыхтаваны матэрыял для выдання кнігі аб воінах-інтэрнацыяналістах раёна.
Дзевяць бібліятэк сеткі плённа працуюць у межах 9-ці мэтавых праграм. У цяперашні час дзіцячая бібліятэка-філіял прымае ўдзел у абласным агля-дзе-конкурсе “Жывая памяць пакаленняў”. Цэнтральная раённая бібліятэка падрыхтавала матэрыялы для ўдзелу ў традыцыйным рэспубліканскім аглядзе-конкурсе “Бібліятэка – асяродак нацыянальнай культуры”.
У апошнія гады ў бібліятэках укаранёны і актыўна выкарыстоўваюцца інавацыйныя формы работы: віртуальныя падарожжы, відэазнаёмствы, онлайн-віктарыны.
Падчас летніх школьных канікулаў установамі бібліятэчнай сеткі для рабят былі рэалізаваны праграмы летніх чытанняў, якія суправаджаліся рознымі масавымі мерапрыемствамі.
Новыя формы работы дапамагаюць разнастаіць і дзейнасць клубнай сістэмы: гэта тэатралізаваныя канцэрты, тэатралізаваныя выступленні з гульнявой і канцэртнай праграмай і іншыя.
Насычана і цікава працуюць творчыя калектывы клубных устаноў. Так, на 1-ым рэспубліканскім фестывалі-конкурсе дзіцячага мастацтва “ЛьВенок” (“Лідскі вянок”) харэаграфічны калектыў “Вера” Мышкавіцкага СДК быў узнагароджаны дыпломамі 2 і 3 ступеняў, ДУК “Цэнтралізаваная клубная сістэма Кіраўскага раёна” за актыўны ўдзел у фестывалі-конкурсе, якасны ўзровень конкурснай праграмы і развіццё нацыянальных традыцый музычнага мастацтва Беларусі ўзнагароджана граматай.
Забяспечваецца кінавідэаабслугоўванне раёна. У практыку работы ўкаранёна правядзенне перадсеансавых мера-прыемстваў, відэапраграм з тэатралізацыяй і іншых цікавых інавацый.
Нямала поспехаў і дасягненняў на рахунку вучняў і выкладчыкаў дзіцячых школ мастацтваў на конкурсах, фестывалях розных узроўняў.
Працягваецца рэстаўрацыя Жыліцкага палацава-паркавага ансамбля: у лістападзе мінулага года адрэстаўравана яго другая чарга — паўднёвы флігель.
У 2013-2014 г.г. праведзена аптымізацыя сеткі ўстаноў культуры. Клубы і бібліятэкі павінны працаваць эфектыўна, таму ўзнікае неабходнасць іх рэарганізацыі, аб’яднання, скарачэння незапатрабаваных устаноў і аб’ектаў. Аптымізацыя закранае ўсю галіну культуры, адбываецца пераход на больш рацыянальнае ўпраўленне ёю на ўсіх узроўнях. Гэта і адзін з напрамкаў павышэння заработнай платы культработнікам.
Шляхам рэарганізацыі ў раёне былі створаны ўстановы культуры змешанага тыпу: Гарадзецкая і Дабрыцкая сельскія бібліятэкі-клубы, Хвайніцкі і Казуліцкі сельскія клубы-бібліятэкі. Праведзена інтэграцыя публічных бібліятэк з бібліятэкамі ўстаноў адукацыі.
Вялікая работа праведзена па падрыхтоўцы і правядзенні абласнога і раённага фестываляў-кірмашоў працаўнікоў вёскі “Дажынкі-2014”. Работнікамі ўстаноў культуры была выраблена сувенірная прадукцыя, аформлены падвор’і і праведзены культурна-забаўляльныя праграмы для ўдзельнікаў і гасцей свята, а таксама выставы дэкаратыўна-прыкладнога мастацтва з майстар-класамі. На належным узроўні была і праграма ўшанавання пераможцаў жніва раёна “Шлях да хлеба”.
У ходзе падрыхтоўкі да “Дажынак” змяніў аблічча шэраг аб’ектаў культуры. Праведзены капітальны рамонт будынка Цэнтра вольнага часу, дзе зроблена кіназала ў фармаце 3D, бягучыя рамонты раённага Дома культуры і Мышкавіцкага СДК. І ўвогуле за апошнія два гады палепшылася матэрыяльна-тэхнічная база ўстаноў культуры раёна. У дзіцячай школе мастацтваў г.Кіраўска выкананы бягучы рамонт дваровага боку фасада будынка з заменай уваходнай групы і частковай заменай ваконных праёмаў. У вучэбных кабінетах школы ўладкаваны энергазберагальныя ўстройствы. Для ўстаноў культуры набываліся новае абсталяванне, музычныя інструменты, сцэнічныя касцюмы.
У тых дасягненнях, якія маюцца на рахунку галіны культуры раёна, заслуга многіх яе прадстаўнікоў — творчых, ініцыятыўных, улюбёных у сваю справу людзей. Напярэдадні свята хочацца выказаць ім, а таксама ветэранам галіны шчырую ўдзячнасць за адданасць прафесіі, уменне дарыць людзям радасць і святочны настрой, выхоў-ваць у падрастаючага пакалення любоў да мастацтва, нашай нацыянальнай спадчыны.

Последние новости

Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024