Да новых працоўных перамог!

sordenom

Сваім канстытутацыйным правам на працу трактарыст-машыніст СВК “Калгас “Ніва” Аляксандр Петранкоў карыстаецца з задавальненнем. А сведчанне таму — высокія ўзнагароды: медаль “За працоўныя заслугі”, якую ён атрымаў у 2004 годзе, ордэн Пашаны: яго механізатар быў удастоены ў 2013 годзе. 

Самадысцыпліну і павагу да выбранай справы ў Аляксандра Петранкова сфарміравалі армейская служба і доўгія гады працы на роднай зямлі. Менавіта таму ён, як ніхто іншы, ведае: для таго, каб стаць добрым спецыялістам, трэба проста сумленна і адказна працаваць, любіць даручаную справу, якая прыносіць задавальненне сабе і карысць іншым.
Зараз, пакуль глеба яшчэ падсыхае, а азімыя культуры набіраюцца моцы, механізатар задзейнічаны на абслугоўванні ферм. А як толькі надыдзе спрыяльны час, каб падкарміць расліны, ён тут жа прычэпіць неабходныя агрэгаты і выедзе на палеткі. Дарэчы, уся замацаваная за ім тэхніка — у спраўным стане, дагледжаная і гатовая ў любую хвіліну да палявых работ.
Па словах Аляксандра Петранкова, праца на зямлі прыносіць яму сапраўднае задавальненне. Але сярод рознага кола сялянскай справы самае чакаемае, а таму і самае дарагое сэрцу — жніво. Колькі тон залацістага збожжа прайшло за гэтыя гады праз працавітыя рукі камбайнера, нават складана ўявіць! Пры гэтым, кожная ўборачная ўспрымаецца ім нібыта першая: хвалюючая і адказная. Ён разумее, што ад яго зладжанай работы падчас жніва залежыць агульны вынік працы людзей, занятых на вырошчванні хлеба.
Добры гаспадар, працаўнік, любячы муж, бацька і дзядуля — усё гэта ён, Аляксандр Петранкоў. Яго жыццёвае крэда — працаваць так, каб не было сорамна ні перад кіраўніцтвам і калектывам гаспадаркі, ні перад аднавяскоўцамі.

Добавить комментарий

Ваш адрес email не будет опубликован.