У рамках круглагадовай раённай спартакія-ды сярод калектываў фізічнай культуры арганізацый, устаноў на базе ліцэя №15 прайшлі спаборніцтвы па стральбе з пнеўматычнай вінтоўкі. На гэты раз удзел прымалі 23 каманды — рэкордная колькасць з усіх праводзімых раней мерапрыемстваў.

На пачатку ўсе прысутныя выканалі гімн Рэспублікі Беларусь. Затым да ўдзельнікаў спаборніцтваў з прамовамі звярнуліся дырэктар ліцэя №15 Франя Старавойтава, намеснік ваенкама па тэрытарыяльнай абароне райваенкамата Алег Бондараў.
Інструктар-метадыст па спорце РК ДТСААФ Леанід Горбаль уручыў граматы самым актыўным удзельнікам спартыўных мерапрыемстваў — Яўгену Пішчаліну з СВК “Рассвет” імя К.П.Арлоўскага, Андрэю Бяляўскаму з а/г Жылічы, Кацярыне Яскевіч з фізкультурна-спартыўнага клуба раёна. Акрамя гэтага, для правя-дзення дадзенага мерапрыемства таварыства выдзеліла мішэні і пулі.
Спаборніцтвы прайшлі на адным дыханні: усе ўдзельнікі паказалі выдатную стральбу. Але больш трапнымі аказаліся прадстаўнікі СВК “Рассвет” імя К.П.Арлоўскага, Жыліцкага сельгаскаледжа, аддзела адукацыі, спорту і турызму райвыканкама — у такім парадку і размеркаваны прызавыя месцы.
У асабістым першынстве сярод мужчын перамогу святкавалі прадстаўнікі СВК “Рассвет” імя К.П.Арлоўскага Алег Шапавалаў і Яўген Пішчалін, якія занялі адпаведна 1 і 3 месцы. Другі вынік быў у Юрыя Сафронава з аддзела адукацыі, спорту і турызму райвыканкама.
Сярод жанчын выдатныя вынікі паказалі Вера Каліноўская з Жыліцкага сельгаскаледжа, Жанна Белаглазава з цэнтральнай раённай бальніцы, Святлана Салавей з ААТ “ПМК-97 Вадгас”.
Калектывы-пераможцы ўзнагароджаны кубкам, медалямі і дыпломамі адпаведных ступеняў, а ў асабістым заліку — дыпломамі.
Валерый ЦЫБУЛЬСКІ,
старшыня
фізкультурна-
спартыўнага клуба
раёна.