Шчыруе моладзь на жніве
Хлебаробы СВК “Калгас “Беларусь” на ўборцы збожжавых выйшлі на фінішную прамую: убрана 1195 га (86%) з агульных 1447 га, намалочана больш за 2856 т збожжа. Ураджайнасць менш, чым у мінулым годзе, таму якасці правядзення ўборачных работ надаецца вялікая ўвага. Нягледзячы на недабор ураджаю, хлебаробы гаспадаркі першымі ў раёне выканалі план пастаўкі збожжа ў лік дзяржзаказу. Кожны дзень на палеткі выходзіць 6 камбайнаў, своечасова дастаўляюць збожжа на ачышчальна-сушыльную гаспадарку 5 аўтамабіляў.
На працягу ўсяго жніва бясспрэчным лідарам сярод камбайнераў у гаспадарцы з’яўляецца Руслан Ядчанка. Нягледзячы на малады ўзрост, вопыту і добрасумленных адносін да даручанай справы яму не займаць. Для Руслана жніво — самая адказная і ў той жа час самая любімая пара, якую чакае з асаблівым хваляваннем і надзеямі. Дарэчы, юнак мае самае непасрэднае дачыненне да ўсяго працэсу вырошчвання збожжа: увосень і вясною займецца сяўбой азімых і яравых культур, іх доглядам і апрацоўкай, а падчас жніва ўбірае ўраджай.
Людміла СЯМЁНАВА. Фота Максіма МІКЕШЫНА.