Вось і надышла доўгачаканая зіма: у апошнія дні лістапада тэмпературны слупок панізіўся, зацерушыў першы сняжок.
Але ў мінулую нядзелю надвор’е прыпаднесла жыхарам нашага горада непрыемны “сюрпрыз”: вуліцы, тратуары, двары шматпавярховак былі абледзянелымі. Выходзячы з дому за пакупкамі, па іншых справах гараджане коўзаліся, нібы на каньках. Для некаторых кіраўчан той нядзельны дзень быў плачэўным — з-за падзення яны вымушаны былі звяртацца за медыцынскай дапамогай.
Як паведаміла рэдакцыі намеснік галоўнага ўрача райбальніцы Жанна Афонькіна, трое жыхароў горада атрымалі сур’ёзныя траўмы, двое з іх былі шпіталізаваны.
Трэба заўважыць, што к адзінаццаці гадзінам раніцы ў нядзелю пясчана-салянай сумессю былі пасыпаны толькі тратуары па вул.Кірава і вул.Пушкінскай.
Для таго, каб забяспечыць пешаходам бяспечны рух, работнікам камунальнай і дарожнай служб трэба свое-часова і якасна пасыпаць вуліцы, тратуары пясчана-саляной сумессю. Учора на аператыўнай нарадзе старшыня райвыканкама Аляксандр Бутараў даў указанне кіраўнікам УКП “Жылкамгас” і ДРБУ-197 забяспечваць аператыўную расчыстку вуліц, дарог, тратуараў, двароў шматкватэрных дамоў ад снегу.
Таццяна МІКАЛАЕВА.