У жыцці актывістаў ГА “БРСМ” ёсць цікавыя формы работы, якія патрабуюць ініцыятывы, імкнення да самасцвярджэння і праяўлення самастойнасці. Інтарэс да сумеснай грамадска-карыснай дзейнасці выклікаў у рабят удзел у агульнай справе — правядзенні работ па аднаўленні возера ў аг.Барсукі.
На бягучым тыдні члены БРСМ з ліку навучэнцаў Жыліцкага сельгаскаледжа разам з егерамі раённага таварыства паляўнічых і рыбаловаў заняліся выдаленнем і ўборкай кустоў’я, якім зарасло дно былога вадаёма. Пакуль старэйшыя таварышы выразалі зараснік бензапіламі, студэнты (а працавала ў той дзень 24 чалавекі) хутка складвалі з хмызняку вялізныя кучы.
Праз некалькі гадзін напружанай работы рабяты змаглі ўбачыць вынікі сваёй стараннай працы. Як запэўнілі члены БРСМ, яны і ў далейшым з задавальненнем прымуць удзел у карыснай справе. І спадзяюцца, што ў хуткім часе возера зноў будзе радаваць наведвальнікаў сваёй празрыстай вадой і прыгожымі берагамі.