Каб дарогі ў Кіраўску былі ў належным стане
Па выніках штогадовага раённага спаборніцтва за 2015 год сярод арганізацый у галіне будаўніцтва лепшым прызнаны калектыў філіяла КУП “Магілёўаблдарбуд” ДРБУ №197, які ўзначальвае Віталь Токараў.
Сярод 22 структурных падраздзяленняў “Магілёўаблдарбуда” па многіх асноўных вытворчых паказчыках наша ДРБУ ўваходзіць у пяцёрку лепшых. За мінулы год на мясцовых аўтадарогах выканана дарожна-будаўнічых работ на 14 млрд. 737 млн. руб. (209,4%) пры плане 7 млрд. 38 млн. руб. — гэта лепшы паказчык у вобласці.
За мінулы год тэмп росту бягучага рамонту дарог у параўнанні з 2014 годам склаў больш за 400%, капітальнага рамонту — 154,6%. Прыбытак ад рэалізацыі атрыманы ў суме 2151,0 млн. руб., чысты прыбытак — 190 млн. руб. пры рэнтабельнасці 9,2%.
Асноўны від дзейнасці ДРБУ — менавіта ўтрыманне ў належным стане сеткі аўтамабільных дарог, размешчаных на тэрыторыі раёна, правя-дзенне капітальных і бягучых рамонтаў дарожнага пакрыцця. На балансе арганізацыі знахо-дзіцца 461,1 км аўтадарог агульнага карыстання, 55,6% з іх — асфальтабетонныя (самы высокі паказчык сярод раёнаў вобласці), а таксама 21 мост.
У мінулым годзе сіламі дарожнікаў быў зроблены ямачны рамонт асфальтабетоннага пакрыцця, разметка палатна, умацаваны абочыны, праводзілася ўстаноўка новых дарожных знакаў, паверхневая апрацоўка дарог.
На ўтрыманні мясцовых дарог асвоена 6614,5 млн. рублёў або 122,1%.
Таксама праводзілі бягучы рамонт вуліц горада і аўтадарог населеных пунктаў раёна, працавалі на ўладкаванні інжынерных сетак новага 60-кватэрнага жылога дома па вул.Арлоўскага, вялі работы па рэканструкцыі МТФ у СВК “Калгас “Ніва” і “Добасна-агра”, а таксама добраўпарадкаванні тэрыторый прадпрыемстваў і арганізацый.
Летась калектыў ДРБУ распачаў капітальны рамонт дарожнага палатна па вул.Арлоўскага горада працягласцю больш за 2,5 км. Работы на да-дзеным участку дарогі праводзіліся з апярэ-джаннем графіка. Сёлета пасля завяршальных работ аб’ект будзе зда-дзены ў эксплуатацыю.
На прадпрыемстве зараз працуе 70 чалавек. Значная частка работнікаў прысвяціла рабоце ў дарожнай службе не адзін дзесятак гадоў. З лёгкасцю вучацца тонкасцям прафесіі ў больш вопытных калег і маладыя кадры.
Па выніках 2015 года за добрасумленную працу і поспехі ў рабоце, высокі ўзровень прафесіяналізму, значны аса-бісты ўклад у развіццё арганізацыі граматамі ДРБУ №197 узнагаро-джаны: начальнік планава-вытворчага бюро Рыгор Пузянкоў, інжынер па арганізацыі працы і бяспецы руху Дзмітрый Юрчанка, майстар участка ўтрымання дарог Анатоль Пархамовіч, спецыяліст па кадрах Марына Якімчанка, вадзіцелі аўтамабіляў Анатоль Апсіт і Віктар Шлапакоў, вадзіцель пагрузчыка Іван Іваноў, машыніст аўта-грэйдзера Уладзімір Костка, дарожныя рабочыя Мікалай Слабодчыкаў і Павел Турловіч, прыбіральшчыца памяшканняў Клаўдзія Фралова.
Людміла СЯМЁНАВА.