“Край, у якім мы жывем”
Пад такой назвай прайшоў раённы конкурс прэзентацый вiдэадэманстратараў аддзела кiнавiдэамерапрыемстваў цэнтралізаванай клубнай сістэмы, які быў наладжаны ўпершыню. Мэта гэтага праекта — выяўленне вопыту работы па выкарыстанні інфармацыйных тэхналогій, уменне сістэматызаваць і апрацоўваць інфармацыю ў электронным відэа, развіццё творчай дзейнасці па стварэнні электронных рэсурсаў, выхаванне пачуцця любові і гонару за сваю малую Радзіму і, вядома ж, абмен вопытам і ведамі сярод удзельнікаў. Конкурсныя работы ацэньваліся ў намінацыях: «Гістарычныя помнікі роднага краю» — прэзентацыі, задача якіх стварыць умовы для прыцягнення удзельнікаў да вывучэння гісторыі, культуры і архітэктуры роднага краю;
«Мая малая радзіма» — прэзентацыі, прысвечаныя прыгажосці прыроды і славутасцям свайго населенага пункта.
Першае месца было прысуджана вiдэадэманстратару Мышкавiцкага СДК Мікіту Пандзiну (на здымку), другое — Міхаілу Пінчуку з Добасненскага СДК, трэцяе — Сяргею Салановічу з Любоніцкага СДК. Пераможцам былі ўручаны дыпломы і сувеніры. Усе ўдзельнікі конкурсу атрымалі сертыфікаты ўдзелу ў конкусе.
Мерапрыемства атрымалася насычаным і цікавым, а папярэднічала яму выстава рэкламных буклетаў удзельнікаў, размешчаная ў фае Цэнтра вольнага часу.
Таццяна БЯЛЯЎСКАЯ, начальнік аддзела
кiнавiдэамерапрыемстваў.