З нагоды прафесійнага свята
З прыемнай падзеі пачалася ўчарашняя апаратная нарада ў райвыканкаме: з нагоды адзначаўшагася ў нядзелю Дня работнікаў пракуратуры кіраўнік раёна Аляксандр Бутараў выказаў віншаванні пракурору раёна Вячаславу Чучуліну і ў яго асобе ўсім работнікам пракуратуры раёна, заклікаў на далейшае плённае супрацоўніцтва па вырашэнні вызначаных задач.
Падзячнае пісьмо раённага выканаўчага камітэта Аляксандр Бутараў уручыў намесніку пракурора раёна Ігару Алёхну за высокія паказчыкі ў службовай дзейнасці, добрасумленныя адносіны да выканання службовага абавязку, значны ўклад ва ўмацаванне законнасці і правапарадку на тэрыторыі раёна.
Старшыня раённага Савета дэпутатаў Галіна Слабоднікава ўручыла Падзячнае пісьмо раённага Савета дэпутатаў вадзіцелю службовага аўтамабіля пракуратуры раёна Івану Лагойку за шматгадовую плённую працу, узорнае выкананне службовых абавязкаў. Дарэчы, Іван Іванавіч 33 гады адпрацаваў у раённай пракуратуры вадзіцелем.
Далей на апаратнай нарадзе былі разгледжаны актуальныя для жыццядзейнасці раёна пытанні.
Фота Максіма МІКЕШЫНА.