Участкі для галасавання гатовы да прыёму выбаршчыкаў
Участкі для галасавання па выбарах кандыдата ў дэпутаты Палаты прадстаўнікоў Нацыянальнага сходу Рэспублікі Беларусь шостага склікання ў нашым раёне практычна гатовы для прыёму выбаршчыкаў: на інфармацыйных стэндах змешчана неабходная дакументацыя, уладкаваны рабочыя месцы для членаў участковых камісій і назіральнікаў, маюцца кабіны і скрыні для галасавання, сродкі пажарнай бяспекі і інш.
З сённяшняга дня кожны выбаршчык ужо можа прыйсці на ўчастак для галасавання і праверыць дадзеныя аб сабе ў спісах. Інфармацыя аб рэжыме работы ўчастковых выбарчых камісій змешчана на стэндах.
Члены камісіі зараз запаўняюць паведамленні аб часе і месцы галасавання, і разам з інфармацыяй аб кандыдатах у дэпутаты Палаты прадстаўнікоў яны будуць дастаўляцца выбаршчыкам.
Як адзначыла старшыня ўчастковай выбарчай камісіі Паўлавіцкага ўчастка для галасавання №34 па выбарах кандыдата ў дэпутаты Палаты прадстаўнікоў Нацыянальнага сходу Рэспублікі Беларусь шостага склікання Наталля Еўдакімава, для членаў камісіі распрацаваны графік дзяжурстваў: у буднія дні — з 14.00 да 16.00, у суботу — з 12.00 да 14.00.
Фота
Максіма
МІКЕШЫНА.