“За бяспеку разам!”
Галоўнымі задачамі рэспубліканскай акцыі з’яўляюцца: зніжэнне колькасці пажараў, якія адбываюцца па прычыне незахавання грамадзянамі правілаў пажарнай бяспекі, інфармаванне насельніцтва аб стане пажарнай бяспекі, растлумачэнне грамадзянам наступстваў невыканання правілаў пажарнай бяспекі, а таксама аказанне дапамогі мясцовым выканаўчым і распарадчым органам, іншым арганізацыям у навучанні грамадзян мерам пажарнай бяспекі ў побыце і на вытворчасці, аказанне дапамогі пазаштатным пажарным фарміраванням у арганізацыі пажарна-прафілактычнай работы.
Работнікі РАНС наведаюць па месцы жыхарства адзінокіх і адзінока пражываючых састарэлых грамадзян, інвалідаў, сем’і, у якіх дзеці знаходзяцца ў сацыяльна небяспечным становішчы, домаўладанні грамадзян, якія выкарыстоўваюць сваё жыллё для распіцця спіртных напіткаў. Будуць праведзены рэйды па праверцы супрацьпажарнага стану месцаў агульнага карыстання ў шматкватэрных жылых дамах, падвалаў, гарышчаў. Падчас праверак пажарныя дадуць тлумачэнні і рэкамендацыі грамадзянам па павышэнні ўзроўню пажарнай бяспекі жылля. Таксама супрацоўнікі РАНС будуць праводзіць растлумачальную работу ў працоўных калектывах аб недапушчальнасці пакідання дзяцей без нагляду, захаванні правілаў пажарнай бяспекі падчас спальвання смецця на прыся-дзібных участках.
Домаўладальнікам неабходна звярнуць увагу на спраўнасць ацяпляльнага абсталявання ў сваіх домаўладаннях, электрычнай праводкі, трэба праверыць спраўнасць аўтаномных пажарных апавяшчальнікаў, а ў выпадку іх адсутнасці абавязкова ўсталяваць АПА ў жылых памяшканнях.
Трэба памятаць, што ў адпаведнасці з заканадаўствам адказнасць за выкананне патрабаванняў пажарнай бяспекі ў жылых дамах, якія належаць грамадзянам на праве прыватнай уласнасці, ускладзена на гаспадароў.
Памятайце, толькі разам мы здольныя засцерагчы ад пажараў свае домаўладанні, захаваць жыццё і здароўе сваё і сваіх блізкіх!
Аляксандр ЖУРАЎСКІ,
інспектар РАНС.