У Кіраўску пройдзе агляд-конкурс на лепшае навагодняе афармленне
З мэтай удасканалення мастацкага афармлення прылягаючых тэрыторый, фасадаў будынкаў арганізацый, прадпрыемстваў, устаноў і сельгасарганізацый раёна з 5 па 20 снежня бягучага года праводзіцца штогадовы агляд-конкурс на лепшае навагодняе афармленне.
Яго вынікі будуць падведзены членамі рабочай групы на чале з намеснікам старшыні райвыканкама Таццянай Бяляўскай. Пераможцамі агляду-конкурсу будуць прызнаны 3 прадпрыемствы, арганізацыі, установы раёна, якія па суме налічаных балаў у адпаведнасці з распрацаванай табліцай найлепш упрыгожаць прылягаючыя тэрыторыі, фасады будынкаў. Перавага будзе нададзена арыгінальнасці, фантазіі, выкарыстанню элементаў, якія не былі прыменены ў 2015 годзе.
Арганізатары конкурсу — райвыканкам і раённая арганізацыя РГА “Белая Русь” — спадзяюцца, што дзякуючы ініцыятыве і дзейнасці кіраўніцтва і членаў працоўных калектываў наш горад і сельскія населеныя пункты будуць выглядаць па-святочнаму, узнімаючы настрой жыхарам і гасцям.