Дзень адкрытых дзвярэй прайшоў у Кіраўскім райаддзеле па надзвычайных сітуацыях

Проф-РОЧС-5

Сталі ўжо традыцыйнымі Дні адкрытых дзвярэй, наладжваемыя ў раённым аддзеле па надзвычайных сітуацыях для школьнікаў.  Мерапрыемствы маюць прафарыентацыйны напрамак. Менавіта такое было нядаўна арганізавана для вучняў 6-х, 10-х і 11-х класаў СШ №1 і гімназіі горада.

У якасці выбару далейшага прафесійнага шляху рабятам былі прапанаваны навучальныя ўстановы, звязаныя з дзейнасцю выратавальнікаў. Так, пасля заканчэння сярэдняй школы ў выпускнікоў ёсць магчымасць прадоўжыць вучобу ва ўніверсітэце грамадзянскай абароны Міністэрства па надзвычайных сітуацыях Рэспублікі Беларусь. Пасля заканчэння шасці класаў рабятам можна паступаць у ліцэй пры вышэй названай навучальнай установе з далейшай магчымасцю атрымання і вышэйшай адукацыі ў самім універсітэце.

Дарэчы, у нашым раёне ёсць прадстаўнікі, якія паспяхова вучацца ва ўніверсітэце грамадзянскай абароны МНС РБ. Гэта кіраўчанін Кірыл Дрозд, які летась вызначыўся ў рэспубліканскім конкурсе “Студэнт года” ў намінацыі “Студэнт года-2016 ONLINE”, а таксама Іван Мялешкін з Баравіцы.

З правіламі паступлення, умовамі навучання і пражывання, перспектывамі пры атрыманні прафесіі выратавальніка юных гасцей пазнаёміў інспектар групы ідэалагічнай работы і кадравага забеспячэння РАНС Арцём Марозаў. Школьнікам быў таксама паказаны відэафільм аб установах адукацыі МНС. Акрамя таго рабятам было прадэманстравана практычнае выкарыстанне выратавальнай спецтэхнікі.

Аляксандр ХАХЛОЎ.

Фота аўтара.

Проф-РОЧС-1 Проф-РОЧС-2 Проф-РОЧС-3 Проф-РОЧС-4 Проф-РОЧС-6

Добавить комментарий

Ваш адрес email не будет опубликован.