Самае любімае свята як дзяцей, так і дарослых, вядома ж, Новы год. Усе з нецярпеннем чакаюць падарункаў, віншаванняў.

Не засталіся без прыемных сюрпрызаў і жыхары раёна, якія зараз пражываюць у аддзяленні кругласутачнага знаходжання для адзінокіх пажылых людзей і інвалідаў у в.Хвайніца. Напярэдадні Новага года тут прымалі ганаровых гасцей: кіраўніка раёна Аляксандра Бутарава, старшыню раённага Савета дэпутатаў Галіну Слабоднікаву, намесніка старшыні райвыканкама Таццяну Бяляўскую, начальніка ўпраўлення па працы, занятасцi i сацыяльнай абароне райвыканкама Алену Лянкевіч, якія шчыра віталі пражываючых, віншавалі з надыходзячымі святамі, уручылі ўсім навагоднія падарункі.
Старшыня райвыканкама адзначыў, што дзяржава робіць усё, каб кожны беларус, які мае патрэбу, атрымліваў якасную сацыяльную падтрымку. І пажадаў прысутным моцнага здароўя, добрага настрою, усеагульнай падтрымкі, цепыні і шчырасці.
Акрамя таго, Аляксандр Бутараў пацікавіўся ў пастаяльцаў умовамі пражывання, якасцю медыцынскага абслугоўвання, выслухаў іх пажаданні. Ён падзякаваў работнікам аддзялення, РЦСАН і ўпраўлення па працы, занятасцi i сацыяльнай абароне райвыканкама за высокі ўзровень дзейнасці па сацыяльным абслугоўванні насельніцтва.
А канцэртная праграма, падрыхтаваная ўдзельнікамі гурткоў РЦСАН і работнікамі раённага Дома культуры, падняла настрой пажылым людзям.
Сустрэча з навагоднім цудам атрымалася прыемнай і па-дамашняму цёплай. Твары пажылых асвятліліся радасцю, яны засталіся ўдзячныя гасцям.
Настасся ЛОГВІНАВА.
Фота
Максіма МІКЕШЫНА.