У Кіраўску прайшло фізкультурна-спартыўнае мерапрыемства “Кіраўская лыжня-2017”

У Кіраўску прайшло фізкультурна-спартыўнае мерапрыемства “Кіраўская лыжня-2017”

Лыжня-1Для лыжнікаў мяцеліца — не перашкода!

Сёлетняя зіма запомніцца жыхарам Кіраўшчыны практычна ўсімі атрыбутамі: быў і траскучы мароз, хапае і снегу. А субота 14 студзеня “падарыла” завіруху: так, мабыць, прырода пастаралася адзначыць  Сусветны дзень снегу, які святкаваўся ў нядзелю. Толькі мяцеліца не стала перашкодай для прыхільнікаў здаровага ладу жыцця. У суботу ў парку ў раёне возера Селішча прайшло фізкультурна-спартыўнае мерапрыемства “Кіраўская лыжня-2017”. Яно дало старт адразу тром раённым спартакіядам: сярод дзяцей  і падлеткаў па месцы жыхарства, сярод калектываў фізічнай культуры і сярод сельскіх жыхароў (сельскіх Саветаў раёна). У лыжных гонках увогуле прыняло ўдзел каля 140 чалавек, масавасць дапаўнялі балельшчыкі, якія падтрымлівалі сваіх прадстаўнікоў і сяброў на “гарачай” лыжні.

Падчас урачыстага адкрыцця мерапрыемства ўсіх прысутных шчыра вітала і пажадала паспяхова пераадолець дыстанцыю намеснік старшыні райвыканкама Таццяна Бяляўская.

Нягледзячы на не зусім спрыяльнае надвор’е настрой на спаборніцтвах панаваў баявы: кожнаму ўдзельніку — ад вучняў да вопытных аматараў лыжнага спорту — хацелася даставіць задавальненне і сабе, і іншым, паказаць клас і прайсці дыстанцыю як мага хутчэй.

Судзейская калегія вызначыла лепшых на “Кіраўскай лыжні-2017”.

У спартакіядзе сярод дзяцей і падлеткаў, у якой прымалі ўдзел каманды 11 школ, перамогу святкавалі рабяты з Паўлавіцкай СШ імя Р.А.Худалеева, на другім месцы — лыжнікі з Мышкавіцкай СШ, на трэцім — Чыгірынскай СШ.

У залік спартакіяды сярод калектываў фізкультуры стараліся здабыць больш ачкоў 12 каманд. У выніку месцы размеркаваліся наступным чынам: першае — лыжнікі аддзела адукацыі, спорту і турызму райвыканкама, другое — ААТ “Рассвет” імя К.П.Арлоўскага, трэцяе — Жыліцкага сельгаскаледжа.

На лыжны забег сярод сельскіх жыхароў прыбылі прадстаўнікі толькі двух сельскіх Саветаў — Мышкавіцкага і Скрыпліцкага: у такім жа парадку яны занялі першае і другое месцы.

Адзначым таксама пераможцаў і прызёраў у асабістым заліку (адпаведна занятых месцаў: першага, другога і трэцяга).

Узроставая катэгорыя 12-14 год: сярод юнакоў — Ягор Сямёнаў (Паўлавіцкая СШ імя Р.А.Худалеева), Аляксандр Грыневіч (Жыліцкая СШ), Дзмітрый Бацюня (СШ №1); сярод дзяўчат — Ульяна Варанчукова (Чыгірынская СШ), Крысціна Лазарава (Паўлавіцкая СШ імя Р.А.Худалеева), Юлія Костка з Мышкавіцкай СШ.

Узроставая катэгорыя 14-17 год: сярод юнакоў — Ягор Беразоўскі (Чыгірынская СШ), Ігар Бандарэнка (Мышкавіцкая СШ), Вадзім Гукаў (Паўлавіцкая СШ імя Р.А.Худалеева); сярод дзяўчат — Настасся Анісімава (гімназія), Ганна Каравай (Паўлавіцкая СШ імя Р.А.Худалеева), Крысціна Шастакова (Жыліцкая СШ).

Узроставая катэгорыя 18-29 год: сярод мужчын — Васіль Бяляўскі (аг.Мышкавічы), Васіль Грыневіч і Васіль Петрусёў (Жыліцкі сельгаскаледж); сярод дзяўчат — Аляксандра Курачкіна (Жыліцкі сельгаскаледж), Лізавета Багданава, прадстаўляўшая аддзел адукацыі, спорту і турызму, Алеся Шалянгоўская (“Рассвет”).

Узроставая катэгорыя 30-39 год: сярод мужчын — Юрый Дывыдзенка (Жыліцкі сельгаскаледж), Яўген Пішчалін (“Рассвет”), Сяргей Лыбзікаў (РАУС); сярод жанчын — Алена Шалыгіна (“Рассвет”), Анастасія Русанава (аддзел адукацыі, спорту і турызму), Вікторыя Шкуратава (райспажыўтаварыства).

Узроставая катэгорыя 40 год і старэй: сярод мужчын — Андрэй Бяляўскі (“Рассвет”), Сяргей Садоўнікаў (аддзел адукацыі, спорту і турызму), Сяргей Лянкевіч (КСУП “Чырвоны баец”); сярод жанчын — Алена Яскевіч (аддзел адукацыі, спорту і турызму), Галіна Міхалап (ліцэй №15), Ганна Бяляўская (РАПТЗ).

Узнагароды камандам і ўдзельнікам, заняўшым першае, другое і трэцяе месцы, — дыпломы адпаведных ступеней, а пераможцам — яшчэ і каштоўныя прызы.

Каб пагрэць удзельнікаў мерапрыемства і балельшчыкаў гарачым чаем і кавай, падсілкаваць смажанкамі і шашлыкамі, працавала гандлёвая палатка райспажыўтаварыства.

Аляксандр ХАХЛОЎ, Наталля ХАДАКОВА.

Рэдакцыя выказвае ўдзячнасць за дапамогу ў падрыхтоўцы матэрыяла старшыні ФСК Віктару БЯЛЯНАВУ.

Фота Аляксандра ХАХЛОВА.

Лыжня-4Лыжня-2Лыжня-3Лыжня-8Лыжня-6Лыжня-7Лыжня-9 Лыжня-15Лыжня-10 Лыжня-12 Лыжня-13Лыжня-14 Ляжня-19 Лыжня-16Лыжня-17 Лыжня-24 Лыжня-18Лыжня-23 Лыжня-20 Лыжня-21 Лыжня-22

Последние новости

Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024