КСУП “Чырвоны баец” — лепшы ў раённым спаборніцтве па вытворчасці і рэалізацыі малака ў 2016 годзе

КСУП “Чырвоны баец” — лепшы ў раённым спаборніцтве па вытворчасці і рэалізацыі малака ў 2016 годзе

Пятрушка и дояркаУ лік лаўрэатаў раённага працоўнага спаборніцтва трапілі жывёлаводы КСУП “Чырвоны баец”. Прадпрыемства прызнана лепшым у намінацыі “За павелічэнне вытворчасці і рэалізацыі малака”. Акрамя таго, Зоя Сенчукова і Наталля Навуменка, якія працуюць на МТК “Дваранінавічы”, сталі лепшымі ў аглядзе-конкурсе сярод калектываў аператараў машыннага даення ў даільных залах.

Вытворчыя працэсы на МТК “Дваранінавічы” нагадваюць дакладны, даведзены да ладу механізм. У гэтым упэўніцца любы — ад спецыяліста да дылетанта — хто наведаецца на гэты жывёлагадоўчы аб’ект. Ужо знешні выгляд памяшканняў комплексу і прылягаючая тэрыторыя сваёй чысцінёй і парадкам, якія падтрымліваюцца пастаянна, гавораць самі за сябе: тут працуюць гаспадарлівыя людзі. Прычым не проста працуюць, а ў пэўным сэнсе слова аддаюць частку свайго жыцця. Ужо з 6 гадзін раніцы жывёлаводы пачынаюць свой рабочы марафон. І “прыпынак” настае толькі а 14-й гадзіне дня, калі жывёлаводы адпраўляюцца дадому. У 18.00 працэс на комплексе аднаўляецца: пачынаецца вячэрняя дойка.
Як адзначыў у размове галоўны заатэхнік КСУП “Чырвоны баец” Віктар Даніленка, на бягучы момант МТК “Дваранінавічы” цалкам запоўнены згодна вытворчай магутнасці. У грамадскім статку налічваецца 2022 галавы, што больш на 48 жывёлін у параўнанні з адпаведным перыядам мінулага года. У тым ліку на 20 больш, чым летась, дойных кароў: усяго іх зараз 620. За мінулы год было атрымана 4758 тон малака, прададзена — 4485 тон. Сярэднясутачны надой у разліку на карову складае 20,3 кг. Атрымана 995 цялят — прыплод большы, чым у 2015 годзе, на 88 галоў.
За “сухімі” лічбамі стаіць штодзённая карпатлівая праца. Агульны поспех — гэта поспех кожнага асобнага жывёлавода, якія разам складаюць дружную каманду. На ўсіх участках, усіх этапах тут імкнуцца ў поўнай меры захоўваць усе тэхналагічныя патрабаванні. За гэтым уважліва сочаць спецыялісты гаспадаркі. Асаблівае месца адведзена строгаму ўліку. Дзякуючы камп’ютарнаму забеспячэнню можна дакладна высветліць любы збой у працэсе даення. Атрымаўшы, да прыкладу, інфармацыю, што ў пэўнай секцыі карова дала менш малака, чым дагэтуль, спецыялісты адразу пачынаюць вывучаць прычыны. Такім чынам на ранняй стадыі папярэджваецца тая ці іншая хвароба, не дапускаецца спад вытворчасці малака. Паралельна кантралюецца і яго якасць.
Мэтанакіравана працуюць на комплексе з узнаўленнем статка, што таксама мае вялікае значэнне для павышэння надояў. Бадай, найбольшая адказнасць у гэтым плане ляжыць на аператары штучнага асемянення. На высокім узроўні кіраўніцтва гаспадаркі ацэньвае работу Юліі Пархімчык, якая ўжо больш 10 гадоў старанна працуе на гэтым участку.
Пад строгім кантролем — працэсы расцёлаў кароў, раздояў, увядзення ў асноўны статак.
Для цялятак маецца камфортнае радзільнае аддзяленне, дзе нованароджаныя выпайваюцца з дапамогай “зонда”, грэюцца пад спецыяльнай лямпай. Да 75 дзён яны гадуюцца ў індывідуальных станках, потым пераводзяцца ў групы па 8-10 галоў, а затым згодна вагавых кандыцый іх сартыруюць па асобных памяшканнях: цёлачкі — на будучае аднаўленне малочнага статка, бычкі — на адкорм.
Сапраўдным гаспадаром у поўным сэнсе гэтага слова з’яўляецца на комплексе яго загадчык Мікалай Пятруша. Сапраўдны “аксакал”, ён узначальвае мясцовы калектыў на працягу вось ужо 33 (!) гадоў. Ва ўмудронага вопытам кіраўніка жывёлагадоўчага аб’екта ніводны нюанс не застаецца па-за ўвагай. Поўны парадак ва ўсім — такое яго жыццёвае крэда. “Кожны работнік у калектыве — як на далоні, — заўважае Мікалай Іларыёнавіч. — За працоўны дзень адзін аднаго бачым куды больш, чым родзічаў. Бывае, кагосьці трэба крыху паўшчуваць, не без таго, але больш усё ж нашы жывёлаводы заслугоўваюць добрых слоў. У асноўным гэта вопытныя работнікі галіны. Без іх адказнасці да працы не было б і станоўчых вынікаў…”.
На комплексе пяцёра аператараў машыннага даення абслугоўваюць дойны статак. Зоя Сенчукова і Наталля Навуменка па выніках мінулага года ад кожнай фуражнай каровы надаілі па 7775 кг малака, што вышэй, чым у папярэднім годзе, на 572 кг. Гэты паказчык стаў лепшым у раёне. Адметны і красамоўны той факт, што прадукцыя поўнасцю была пастаўлена гатункамі “экстра” і вышэйшым. Старанна працуе ў даільнай зале таксама Вольга Чайка.
Добрых слоў заслугоўвае Валянціна Лебедзева, якая выконвае абавязкі аператара на роздоі кароў. На вырошчванні цялят на належным узроўні працуюць Галіна Здункевіч, Людміла Дзмітрыева, Андрэй Сарока, Сяргей Лагойка. У добрым санітарным стане падтрымліваюць даручаныя памяшканні жывёлаводы Станіслаў Габрусь, Аляксандр Башан, Ірына Гукава. Адказны пост у Андрэя Лакізы, які ўважліва сочыць за абсталяваннем даільнай залы.
Аляксандр ХАХЛОЎ.
Фота аўтара.

 

Последние новости

Общество

На вопросы даны компетентные ответы

29 марта 2024
Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024